Wiile 3:17 - mzwDBL

¹⁷ N ta deŋnesɔɔhna bɛlbwa dɔe, dɛ soh ɡɛ silɛɛ kwara aa doa.

Wiile 3:17 ပူးပေါင်းရင်းမြစ်များ

Mumpar 41:30

A habɔɔ la, lɔr ɛɛ chiɡ harɛ nɔ taa bene anuanɛ, ásɛ nɛn soh kɛŋɔ kondikwaa fa balɔ ka. Dɛkalkɛ lɔr la ɛɛ chɔɡ harɛ nɔɔ.

Job Tɔn 7:7

N Naa Korowii, bɛ soh kɛŋɔ me mkpa ka kerabeŋkpoŋ hweera, silɛɛ toole n soɡa bini kpa.

Yela 119:155

Haa nɛnchɔɡa lɛɛ ba, dɛkalkɛŋɔ baa he Mmarare la kpɔe dɛɛ ɛ waane.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 59:11

Ɔmee chole ya nɛɛ ya wi dɛɛ di suna. Ya dɛ nyiŋi kɛŋɔ, Korowii ba lɛ yaa le nɛra baa dɛ fiiɡi yaa nɔn ta, kɛ yaa wobɛlbwa na.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 16:5

Korowii berɔ ŋɔ men Jeremia be ŋɔ, “Lwe ba dem bɛl ta naa, bɛ bela jo. Bɛ lokua dɔ tɛ nomɛlbwa, maa andɛɛɡaa swee tɛ n nɛra ba dɔ deŋnesɔɔhna, kɛɛ dɛ baɡle n nyina kɛɛ dɛ sune ba nɛɛ kpa.

Jeremia 8:15

Deŋnesɔɔhna dɔe taa yaa hwɛɡɛ, kɛ yaa wedɛɛɡa bɛlbwa na. Ya dɛ hwɛɡɛ kɛ ya dɔ chaeh, ɔmeeree bera ba chole ya nɛ.

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Sekaria 8:10

Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta.