Wiile 3:15 - mzwDBL

¹⁵ Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Wiile 3:15 ပူးပေါင်းရင်းမြစ်များ

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 88:4

N do kɛŋɔ nɛn waa dɛ ba sewa, n bokpeɡa bwa tonɔ.

Jeremia 23:15

Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”

Jeremia 25:27

Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Wiile 3:19

N lii n wenaale ne ɡaaɡa maa dɛ ɡaaɡe aa, a do kɛŋɔ maa di tɛɡkpela ken.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.