Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.
Ba dɛ bol ŋɔ harɛ nɔ ɛɛ doo kɛŋɔ pua hɛŋle ɡbo harɛ, ásɛ nɛra kɛɛ kpɔɡ bini ola aa wola won so o ta, ásɛ ba kpɔ do Babelɔn tena nɔn ta. Kɛ baa berɔ yawɛ kooni bonɔ ja.
Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.
O baɡ mɛ oljen waa teŋa naarɛ la waa mun. ‘Oljen waa teŋa naarɛ la cheɡɔ tɛ kora waa teŋa naarɛ, dɛ́ ba harɛ nɔ ta bwa. O kora ɛɛ korɛ kora bɛlbwa taa, dɛ́ lɛ harɛ nɔ bwa dɔɔh, dɛ́ tiɡri o ta.
Ba loo ɛɛ kuu, bá ɛ teera ta ba nyuune ta, dɛ́ɛ wiu dɛ́ɛ dooɡe lɔŋɔre, dɛ́ ŋɔ, “Akwe! Akwe! Waa pu bwɛjen kondɔɔh aa su o bwa, dɛ ɡel nɛra baa dɔ stiimaere do mpo ta berɛ dɔɔhna la. O paŋɛ komɛlbwa dɔŋhwere beŋkpoŋ.