Wiile 2:4 - mzwDBL

⁴ O do kɛŋɔ dɔm waa harɛ o to pa ba nɛ, dɛ kpoo nɛra ba sie aa dɛ lɛ ba nɛ dɛɛ nyin ba kohona. O bandia kohona la ba Jerusalam tena nɛ.

Wiile 2:4 ပူးပေါင်းရင်းမြစ်များ

2 Webena 34:21

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

2 Webena 34:25

dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Job Tɔn 19:11

O baah dɛ di n nɛɛ kohona, wɛɛ yoo mɛ kɛ o dɔm ken.

Job Tɔn 6:4

Korowii Waa Ɛ Kpeɡri Bwa Dɔɔ la ta mɛ hɛma, asɛ tɛɛɡa aa lɔ a ta la jooɡe n bini. Korowii kpɔ wenaale aa do ɔma teŋɛ dɔŋa nɛɛ ta n nɛ.

Yela 37:14

Nyubinikpeɡ tena kpɔ ba tokobie, dɛ harɛ ba tori kpa. Ba dɛ nyin bá kpoo nyaara ne nɛŋɡwɛɡra, dɛ́ kpoo nɛra ba wa aa toɡra,

Yela 7:13

Korowii ɛ o dɔmkwaa anchɔɡa cheɡ, o hɛma ɡe nyoo ɛɛ lawɛ nii, dɛɛ kpa ɡɛ nɛra.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 10:20

Ya tɛnte deene chɔɡɔ, a ŋwɛɛra bwa chaa. Ya bii bwa kaalɔ ɡel yaa, beŋkpoŋ kwaraa toole, dɛ́ baŋre ya tɛnte deene, kɛɛ dɛ́ nyin sobɔra tɛ yaa.”

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 21:5

O ɡbabirii dɛ́ yo heya o bokpeɡa ne o bandia kohona bwa ne.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Wiile 1:13

Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Wiile 2:5

Korowii do kɛŋɔ dɔm dɛ ba chɔɡ Israel harɛ. O ɡelɔ o dekpeɡa ne kooderemi bwa berɛ dimɡbeeni, dɛ kpɔ wii ne suna dii aa wola jaɡa dɔe ba ta Juda tena nɛ.

Wiile 3:3

kasinteŋ, o teŋɔ dɛɛ lɔɔ mɛ waa wola ɡel tɔpebir bwa, o ta n nɛɛ sune.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Ɛsekeɛl 13:13

Nemenɛ Korowii ŋɔ o baah diu wɛɛ ba ɡela peukpeɡ ta, ásɛ bwaala nɛ kohona dombwea lee, dɛ́ chɔɡ danjwɛɛ la.

Ɛsekeɛl 20:34

dɛ́ lawɛ heyaa le harɛre haa peɡra dɛ ka so a ta la ta, dɛ́ berɛ ba he ne.

Ɛsekeɛl 22:22

Gɛ baa dɛ mwɛɛ suuɡapoŋ nii ta la, ɡɛɛ mɛɛ ba heyaa mwɛɛla Jerusalam, ásɛ he jemɛ kɛŋɔ men Korowii, n kpɔ n bandia kohona ba he nɛ.’ ”

Ɛsekeɛl 24:25

Korowii ŋɔ, “Nɛwɛnyini bie, mɛɛ chɔɡ n Dea baa dɛ ɛ mbarafo o waa o do wer ba siwi ta, ba sie ɛɛ lɛ o ta laanee. Mɛɛ lawɛ ba bibaala ne ba bihaahna bwa ɡee ja.

Ɛsekeɛl 36:18

Anomanta, n kpɔ n bandia kohona ta ba nɛ, nɛra baa kpoora harɛ la ta, dɛ tomɛ voɡa, dɛ kpɔ doŋa kah harɛ la wa.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 6:12

Banɔ la baa lɔ bojaŋa la, weechɔɡaa dɛ́ kpoo ba, ásɛ banɔ la baa bɛna la serewe laa ta. Banɔ la baa kaa la, lɔr ɛɛ kpo ba ɡee ba serewe. Gɛɛ mɛɛ ba ɡela ba na n bandia kohona.

Ɛsekeɛl 7:14

Ba hoh laa bɛla nomɛlbwa kpɔ o te, kɛ nɛn waa la laa toole, dɛkalkɛ n baah di nɛnlaa la bwa nɛ.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

1 Samoɛl 28:16

Anee Samoɛl ŋɔ, “Dɛ Korowii berɛ habɔɔ kpoe dɛ ɛ he dɔm aa, ɛrɛɛ hɛɛ yer mɛ ŋɔ n ɛɔ?