Wiile 2:22 - mzwDBL

²² N Naa Korowii, he ta nɔn yerɛ nɛra cheme kɛŋɔ kondikonjena dii tɔpere, asɛ ɔmee kohona bar mɛ cheme. Awola he baah aa dia la, nomɛlbwa ta wone chwa kɛɛ dɛ le a nyoa. Dɔma kpoo n bii maa dɛɛ ba, dɛɛ nyin ba kohona.

Wiile 2:22 ပူးပေါင်းရင်းမြစ်များ

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Yela 31:13

N noɔ nɛra ɡalɡa ɛɛ ŋwalɛ ŋɔ, ɔmee kohona chole n nɛ. Ba dɛ vɔrɔwe n vɔrɔwa, dɛ́ kpo mɛ.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 20:3

Tɔ aa pera la, Pasur baa foo n jɔɡrɔre la, asɛ n ŋɔ o be ŋɔ, “Korowii ta ŋɔe ŋɔ he sɔne Pasur, sɔn waa pae laanee Maɡor Misabib.

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 6:25

Yaa won ŋɔ yaa leo kaa dahare, kɛɛ dɛ ka valɛ ŋwɛnɛre ta, dɛkalkɛ ya dɔma kpɔ ba te dɛ kpoŋe ba dɔmkwa, asɛ ɔmee kohona bar yaa cheme.”

Mmarare 28:18

Korowii taahna ɛɛ lawɛ heyaa he bii dɔe bini, ne koo kwaa ne nae dɛ peera yae ta.