Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wiile 2:21 - mzwDBL

21 Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

အခန်းကိုကြည့်ပါ။ ကော်ပီ




Wiile 2:21
33 ပူးပေါင်းရင်းမြစ်များ  

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.


Ba le toroma bá kpɔ tɔne la kaa harɛre kooro aa di kora a ta la bwa ta. A bini waa dɛ chaɡle kɛ bá kpoo Juu tena bwa. Toli ne bonɔɔna ne nomonome, dɛ haahna ne bechale, bɛlbwa bɛ ka, bá ɛa tɔpebeŋkpoŋ. Adar korobie o tɔpera fi dɛ atoro weeree aa ba chiɡa, ásɛ ba pa ba laala ɡe bwa.


Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.


Anomanta, Koranar Bwa Kooro ŋɔ, “Mɛɛ tɛr ba deŋnee. Baa kpoo ba bonɔɔna laa taa, lɔr kpo ba bibaala ne bihaahna ɡe ba serewe.


Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”


Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.


A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”


N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”


Henee n kpɔ kpoo haahna ne baala, ne banjeni dɛ bonɔɔna, hale bonɔmbie ne toli bwa.


He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.


Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.


Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.


Korowii vɛh n banyoola bwa, dɛ ɡel laa tena ba yo n bonɔɔna, dɛ chɔɡ ba kɛŋɔ ba yon tiɡri ɡrepo nɔna dɛɛ kpɔ a nee la ken.


Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.


Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.


Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.


O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.


He bandia kohona ɡelɔ he ti yaa, dɛ kpoo yaa haa wola ya nɛɛ sune.


o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.


Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.


Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”


Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.


Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”


Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”


N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.


Awola tɔpere la, toli ne bonɔɔna ba bwara aa kpeɡa sie ɛɛ bir baa bá choɡli, nyɔɡre wa.


Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”


Ba ɛ harɛre nɛra ba siwi aa kpeɡa, baa wola nomoa duu kɛɛ baa wola bechala sum na.


Laa ɛɛ chole he nɛɛ he serewe fɔɡbaahna, ɔmee kohona chole he deremi. Toli ne bonɔɔna serewe, hale bechale ba taa dɛ ɔr ne banjeni kwara aa kae ba.


Ba kpoo baala ne haahna, ne bechale ne nomonome, ne nae ne peera dɛ keeɡore aa lɔ bwɛɛ la ta, dɛ lea cheɡ tɛ Korowii.


Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ