Wiile 2:2 - mzwDBL

² O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Wiile 2:2 ပူးပေါင်းရင်းမြစ်များ

Job Tɔn 2:3

Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Yela 21:9

Korowii baa forɛ le aa, wɛɛ chɔɡ baa kɛŋɔ, nii yon fuh kwaa a chɔɡ la. Korowii baah ɛɛ diu kohona, ó chɔɡ ba bwa, dɛ́ ɡel nii fuuh ba kwaraa.

Yela 74:7

Ba fuh he Dea la, dɛ kpɔ doŋa kah bela baa dɛ tomɛ la.

Aesaya 22:5

Awola tɔpere la, Korowii, Koranar Bwa Kooro ɛɛ ɡeloo o ɛ ɡbɔɡa ne ɡaeh ne ɔmee tɔpere Chaahna Fɛlembɔjen la ta. Ba kuuɡi danjwɛɛ waa bar bwɛjen la ta awola, ba wii kaa le bwejena dor.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 25:12

Wɛɛ chɔɡ Moab harɛ bwɛɛre danjwɛkpeɡa ne anjaŋa bwaa, dɛ́ kuuɡa a bwa a chɔ harɛ.

Aesaya 26:5

O dɛ ba banɔ la baa dɛ ɡɔɔ ba te ne harɛ. O dɛ kuuɡi bwɛjen waa kpeɡa baa soɡe o ta, ásɛ o kuuɡi chɔ harɛ.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 43:28

Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Wiile 2:5

Korowii do kɛŋɔ dɔm dɛ ba chɔɡ Israel harɛ. O ɡelɔ o dekpeɡa ne kooderemi bwa berɛ dimɡbeeni, dɛ kpɔ wii ne suna dii aa wola jaɡa dɔe ba ta Juda tena nɛ.

Wiile 3:43

He bandia kohona ɡelɔ he ti yaa, dɛ kpoo yaa haa wola ya nɛɛ sune.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Maeka 5:14

Mɛɛ fuɡri voɡhaah Asera dajaŋaa le he bini, dɛ́ paɡre he bwɛjena.

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Matiu 18:33

Amɔ a fe ta chɛɛ kɛŋɔ he ɡe fee na he dɔŋ nɔ sum, dɛ́ kpɔ kem nɔ kɛo wa aa?’

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

Mmarare 28:52

Wɛɛ ɡeloo he dɔma tɔ heyaa do bwɛjena waa kpɔa dɛɛ ba heyaa tɛɛ la bwa ta, ásɛ he lɔ harɛ. Ásɛ danjwɛkpeɡa haa maa bara dɛɛ hwɛɡɛ a ta la choɡli.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.