Wiile 2:19 - mzwDBL

¹⁹ Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.

Wiile 2:19 ပူးပေါင်းရင်းမြစ်များ

Job Tɔn 3:24

Suna dii ber mɛ kondikwa, maa won ɡel pɛma bwa.

Yela 119:55

N Naa Korowii, hale jwaana n dɛ lii he wa, dɛɛ teŋɛ he Mmarare ta.

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Yela 142:2

N kpɔ n waa bwa bil o sie, dɛ bol n wahala nae baɡlo.

Yela 142:3

Dɛ n bambile chɔɡɔ aa, onee dɛɛ baɡ mɛ ŋwɛnɛ. N dɔma sɔɔh kpɔ bel harɛ ŋwɛnɛ maa dɛ kpɔ o ta la ta.

Yela 28:2

No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 42:8

Korowii dɛ baɡle o nyina aa wola jaɡa dɔe n nɛɛ webaŋa, a ɡel n ɡo yel tɛo jwaana, dɛ soŋe Korowii waa ɡela n so le.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 9:20

Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 5:16

Mɛɛ tɔɔɡe kondikwaa ŋwɛnɛɛ, ásɛ lɔr kpo heya. Hɛɛ na lɔr weweelee kɛŋɔ baa ta hɛma yaɡɛ heyaa dɛ kpoo heyaa la.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Matiu 14:25

Jabal loɡla sii saŋ la, Yeesu valɔ kpɔ nee la sie dɛɛ kaa ba be.

Amanesoma Mak Aa Chwera Tɔn 1:35

Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii.

Amanesoma Mak Aa Chwera Tɔn 13:35

Hɛ́ɛ nyiŋi kɛrɛdɛ, dɛkalkɛŋɔ he ta wone jemɛ tɔɔ la wee dem te la aa dɛ ba bala. Bɛl lole jwaanaa wɛɛ ba bala. Gɛ laa ɡe aa, harambaŋa ne. Bɛl lole o ta jabala siiɡa saŋ balaa, chɔɔbɔree wɛɛ ba bala.

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Sitɔɔla 7:19

Gedeɔn ne o nɛra lafa la tel Midian tena sobɔr dahara bela harambaŋa. Gɛ saŋ dɛ Midian tena la le nɛnfala ba baa daah ba sobɔr bela. Asɛ Gedeɔn ne o laa tena la hoh bɛle la dɛ paɡre viine baa kpoŋa la.

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.

1 Samoɛl 7:6

Ba bwa aa baa cheme Mispa la, ba dɔ nee dɛ fuɡe ta Korowii sie a baɡle wechɔɡa baa ɛa la saraha. Ba vɔwɛ nyoa tɔpebir la bwa, dɛ ŋɔ, “Ya ɛ wechɔɡa dɛ jo Korowii nɛ.” Mispa belaa Samoɛl do dɛ tɔ ba sie, dɛ bol bane ba bala waa dɛɛ tɛɛ ba.