Wiile 2:17 - mzwDBL

¹⁷ Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Wiile 2:17 ပူးပေါင်းရင်းမြစ်များ

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Yela 35:24

N Naa Korowii, che toɡra he wa aa toɡra ta, dɛ́ pa mɛ boldɛɛɡe, bɛ ɡel n dɔma mam mɛ.

Yela 35:26

N Naa Korowii, ɡel sihiih kpo nɛra baa dɛ mam mɛ kohona, ásɛ dɛ wili, n wahala maa dɛ na wa. Gel sihiih kpo nɛra baa dɛ lii kɛ ba ɡwaa mɛ kohona.

Yela 38:16

Bɛ ɡel n dɔma mam mɛ n wenaale wa, bɛ ɡel n chola ɛɛ ba silɛɛ.

Yela 89:42

He ɡelɔ o dɔma pɔ o nɛ, dɛ ɡel ba bwa sie lɛ.

Yela 89:43

He ɡelɔ o dɔmkwaa ɛ pɛɛpɛɛ, dɛ ɡel ba pɔ o nɛɛ laa ta.

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Jeremia 18:11

Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Jeremia 40:3

asɛ taraken dɛ ɛ ɡɛ waa bola la. A ɡɛ waa nɔ bwa balɔ, dɛkalkɛ he ɛ nɛra wechɔɡa dɛ jo Korowii nɛ, dɛ vɛh o waa ta teŋa.

Wiile 1:5

O dɔma pɔ o nɛ, dɛɛ di kpeɡri. Korowiirii ŋɔa o bwara nyɛɡ o wechɔɡa aa kana kohona la wa. Ba lawɛ o bii bwa laa ta kaa harɛfala ta o dɔma siwi ta.

Wiile 2:8

Korowii siwi beɡrɔ kɛŋɔ Saayɔn danjwɛɛ kuuɡi. O maɡɔ cheɡ kɛŋɔ ó chɔɡo kwaraa. Danjwɛɛre la do kɛŋɔ nɛra aa dɛ wi ken, a ta bokpeɡa bɛlbwa dɔe kpa.

Wiile 3:43

He bandia kohona ɡelɔ he ti yaa, dɛ kpoo yaa haa wola ya nɛɛ sune.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Sefania 1:2

Korowii ŋɔ, “N dɛ ba komɛlbwa chɔɡa le harɛ nɔ ta.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”