Wiile 2:16 - mzwDBL

¹⁶ He dɔma bwa dɛ mamɛ dɛɛ muɡli he baah. Ba mile nyoo dɛɛ pwee ŋɔ, “Ya wono chɔɡo! Tɔpere yaa dɛ kpa laanee fini!”

Wiile 2:16 ပူးပေါင်းရင်းမြစ်များ

Yela 109:2

dɛkalkɛ nyubinikpeɡ tena ne nyosonteŋna dɛ yoo mɛ, ba teŋe nyosone bol waa dɛɛ yaɡ mɛ.

Yela 112:10

Nyubinikpeɡ tena ɛɛ nao ba baah di kohona, ásɛ ba liire chɔɡ ba che dɛɛ nyiŋi ba hwɛɡa ta pɛɛ.

Yela 124:3

ba bandia kohona nomanta, ba fe kpoo ya bwa.

Yela 22:13

Ba hah nyoo kɛŋɔ nyujentena, dɛɛ kɔɡre, dɛ́ toɡri n ola.

Yela 35:16

Ba do kɛ nɛra baa wola Korowii tomɛ, dɛ cheme dɛɛ mam mɛ, dɛɛ nyiŋ mɛ sichɔɡa ne.

Yela 35:21

Ba dɛ pwaah mɛ ŋɔ, “Ya na waa bwa haa ɛa.”

Yela 35:25

Bɛ ɡel ba lii ŋɔ, “Ya dɔɔ ɡɛ yaa dɛ nyin name!” Kɛɛ dɛ ŋɔ, “Ya dɔɔ kɛrɛdɛ.”

Yela 37:12

Nyubinikpeɡ tena dɛ vɔrɔwe nɛra ba wa aa toɡra vɔrɔwa, dɛɛ nyiŋ ba sichɔɡa ne.

Yela 41:8

“Weechɔɡa lɔɔ bil, waa won ir le o chɔɔbɔr.”

Yela 56:2

Tɔpere bɛlbwaa ba teŋɛ dɛɛ ɡaaɡe n bɔr, ba warɔ kohona dɛɛ yoo mɛ.

Yela 57:3

Hɛɛ no n wesoŋaa le nyundua dɛ́ ba lɛɛ mɛ, dɛ́ pɔ nɛra baa dɛ fiɡ mɛ nɛ. Hen Korowii ɛɛ baɡle he nyina aa wola jaɡa dɔe, ne he kasinteŋ haa dɔa laanee n nɛ.

Aesaya 49:19

A lole kɛŋɔ harɛ la fa paɡrɔ, dɛ berɛ dimɡbia, kɛ taraken harɛ la ɛɛ do jeɡaa tɛ nɛra baa dɛ ba ba so o ta. Ásɛ nɛra ba fa aa chwa he yaa la, bá kpɔ ba kaa bojaŋ harɛ ta.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Jeremia 51:34

Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 3:46

Asɛ ya dɔma bwa pili nyoo bol waa dɛɛ yaɡɛ yaa.

Ɛsekeɛl 23:32

Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 25:15

Nemenɛ Korowii ŋɔ, “Filisti tena aa ɛ Juda tena dɔma biɡri nomanta, ba dɔ liichɔɡa dɛ kpɔ nyubinikpeɡ ka tɔ ba wel Juda tena nɛ, dɛ chɔɡ ba.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Ɛsekeɛl 25:6

Nemenɛ Korowii ŋɔ, ‘He sie lɛo kohona he lɔ kpaŋa dɛ jah dɛɛ hɛɡre, liichɔɡa haa dɔa Israel harɛ chɔɡa wa.

Ɛsekeɛl 36:3

Anomanta, men Nemenɛ Korowii bolɔ ŋɔ harɛre aa bar heyaa cheme aa baa yo heyaa dɛ lɛ Israel harɛre la, ba bwa chɛɡre Israel tena.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Hosia 8:8

Israel tena waa tonɔ, ba do kɛŋɔ konsala harɛre nɛra bini.

Maeka 4:11

Taraken, harɛre nɛra pɛ nyoa dɛ́ ba yo heya. Ba ŋɔ, “A chɛ kɛ Jerusalam paɡre dɛ́ berɛ dimɡbia, ásɛ ya sie lɛ a wa.”

We-ɛɛla 7:54

Nomonome la aa no ɡɛ Steeven aa bola la, dɛ ba baah diu, baa pwee dɛɛ chwee bobɛlbwa.