Wiile 2:15 - mzwDBL

¹⁵ Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Wiile 2:15 ပူးပေါင်းရင်းမြစ်များ

2 Koranar 19:21

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

2 Webena 7:21

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr o ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

Yela 109:25

Ba na mɛ naa, ba dɛ muɡli n baah, dɛɛ viiɡi ba nyuune.

Yela 22:7

Nɛra na mɛ naa, ba dɛ chɛɡ mɛ, dɛ di n loro dɛɛ viiɡi ba nyuune.

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Yela 48:3

Korowii lɔ o bwɛjen la ta, dɛɛ nyiŋi nɛra baa lɔ o ta nɛ.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Yela 64:8

Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Aesaya 64:11

He Dea waa do ɡoroŋ dɛ do wer tɛ yaa ya naawa fa aa kpɛɛre o bini la, nii fuuh. Bɔra ya sie aa dɛ lɛ a ta bwa kuuɡo dɛ berɛ dimɡbeeni.

Jeremia 18:16

Ba harɛ ɛɛ berɛ dimɡbiaa, dɛ́ berɛ waa nɛra aa na dɛɛ mamɛ tɔpere bɛlbwa, ásɛ nɛra baa teŋa baa kaa bwa nyoa kpo dɛɛ viiɡi nyuune.

Jeremia 19:8

Chɔɡa kohona waa do kenii mɛɛ ba kpɔe ba ta bwɛjen nɔ ta, ásɛ o berɛ kon nɛra baa teŋa baa kaa na, dɛ́ ɔmɛ ba nyoa kpo, o nɛra bola baa do ba wa.

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 48:27

Moab tena, Israel tena laa fa berɛ he akwekwe nɛra la aa? Saŋ bɛlbwa he dɛ bol ba wa, a do kɛŋɔ he na ba ne ŋwɛɛra aa dɛ bɔ ken.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Wiile 2:16

He dɔma bwa dɛ mamɛ dɛɛ muɡli he baah. Ba mile nyoo dɛɛ pwee ŋɔ, “Ya wono chɔɡo! Tɔpere yaa dɛ kpa laanee fini!”

Wiile 2:6

O kuuɡi o Dea baa dɛ tomɔ o bini burbur ken, dɛ ɡel tɔpejena baa lea cheɡ a do ɡoroŋ, ne Ona Tɔpera bwa ba a jaɡa. Kooroo yoo, sɔfoo yoo ba bwa nyɔ o danana ne.

Ɛsekeɛl 16:13

Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Ɛsekeɛl 16:14

He wer kohona la nomanta, he lɛ sɔn harɛre bwa ta, dɛkalkɛ menee ɡela he do wer ka tonɛ. Men Nemenɛ Korowiirii bola.

Ɛsekeɛl 23:32

Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 25:6

Nemenɛ Korowii ŋɔ, ‘He sie lɛo kohona he lɔ kpaŋa dɛ jah dɛɛ hɛɡre, liichɔɡa haa dɔa Israel harɛ chɔɡa wa.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Neehum 3:19

Komɛlbwa aa won ɡel he ŋwɛra tonɛ, bola baa do heyaa la ɛɛ kpoo heyaa. Nomɛlbwa waa no he waa sie ɛɛ lɛo dɛ́ lɔ kpaŋa ta he nɛɛ a wa. Umee wola he nyubinikpeɡ haa ɛa aa wola nyoa dɔe la nyoŋwaara nae ba nɔ?

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Matiu 27:39

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ,

Amanesoma Mak Aa Chwera Tɔn 15:29

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao?