Wiile 2:14 - mzwDBL

¹⁴ Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Wiile 2:14 ပူးပေါင်းရင်းမြစ်များ

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 2:8

Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 23:22

Dɛ n ne ba fe chemo, ba jemɛ n liire ne n wesɔɔhla la aa, n nɛraa ba fee ka bol n waa la baɡle, ásɛ ba charɛ ba liire le ba wechɔɡa ne nyubinikpeɡ we-ɛɛla bwa ta.

Jeremia 23:36

Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Jeremia 29:21

Waa men Koranar Bwa Kooro, Israel tena aa dɛ tom mɛ aa dɛ bol Kolaya bibaa Ahab, ne Maaseya bibaa Sedekia waa nɔ. N ŋɔ, ‘Ba cheɡɛ n sɔn ta dɛɛ teŋe nyosone anomanta, mɛɛ kpɔ baa do Babelɔn Kooro Nebukadnesa nɔn ta, ásɛ o kpoo ba he siwi ta.

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Ɛsekeɛl 22:28

Ba keamechɔɡa laa sie kpɔ ɡɛ wechɔɡa nɔ ta, kɛŋɔ baa kpɔ fula lɔ dekɔɔh danjwɛ ta, dɛ tɔ o peɡra ta ken. Ba won nyosone teŋa ŋɔ ba na waane wepila ta, dɛɛ baɡle ŋɔ waane ɛɛ bao, dɛɛ neɡre nɛra ŋɔ men Nemenɛ Korowii bee a le, dɛ n laa bol wobɛlbwa.

Ɛsekeɛl 23:36

Korowii ŋɔ n be ŋɔ, “Nɛwɛnyini bie, hɛɛ bol Ohola ne Oholiba waa dɛ́ pa ba bolchɔɡe aa? Di ba kasinteŋ waa maa kia ba ɛ la wa.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.