Wiile 1:9 - mzwDBL

⁹ Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Wiile 1:9 ပူးပေါင်းရင်းမြစ်များ

2 Samoɛl 16:12

Korowii ken ɛɛ na n suna maa dɛ di nɔɔ, dɛ́ kpɔ wedɛɛɡa ba chiɡ taahna aa dɛ ba n nɛɛ fini nɔ naa ta.”

2 Koranar 14:26

Dɛ Korowii na wahala kohona Israel tena aa lɔ a ta, deheɛre ne yoma bwa, nomɛlbwa aa wola toole dɛ́ lɛɛ ba.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Yela 119:153

Nyiŋi wahala maa dɛ na, ásɛ dɛ lɛɛ mɛ, dɛkalkɛ n ta he Mmara la vɛɛh.

Yela 140:8

bɛ ɡel nɛnchɔɡa dɔ ba tetoowa, bɛ ɡel ba vɔrɔwa baa dɛ vɔrɔwe maɡre, asɛ baa ɛ mbarafo a wa.

Yela 25:18

Nyiŋi n suna dii ne n bonyɛɡa, dɛ́ kpɔ n wechɔɡa bwa kɛ mɛ.

Yela 69:21

Lɔr aa dɛ kpo mɛ la, ba kpɔ tɛɡkpela do kondikwaa ta tɛ mɛ n di, nyoɡre ɡe aa dɛ kpo mɛ la, sennyɛɡaa ba tɛ mɛ n nyɔ.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 47:7

He fa ŋɔ hɛɛ teŋɔɔ dɛ ɛ haŋkooro saŋ bɛlbwa dɛɛ la, anomanta, he ta ɡɛ we-ɛɛla nɔ kpɔe do he liire bini, a ba ɛ kɛŋɔ hɛɛ lii ɡɛ aa dɛ ba he chiɡa.

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 16:7

Nomɛlbwa aa kondikwaa kɛɛ senee yawɛ tɛ o dɔŋ bɛl o lole aa sewa wa, dɛ́ kpɔ larawo bwara. Bɛlbwa aa o dɔŋ bwaraa larawe, hale nɛn o nya kɛɛ o mɛɛ aa sewa wa.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Wiile 1:17

Jerusalam do kɛŋɔ nɛn waa ta nɔn dɛɛ nyin nomɛl ó ba chao, kɛ nomɛlbwa toole dɛ́ ba larawe o bwara. Korowii do nɛra baa soɡa bar Israel, asɛ ba ba yoo laa, dɛɛ ɛo kɛŋɔ kondoŋ bɛl ken.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Wiile 5:1

N Naa Korowii, lii ya wa dɛ́ na waa aa pu yaa. Nyiŋi dɛ́ na ɡɛ sihiih aa kpo yaa.

Hosia 2:14

Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Sefania 2:10

Anɔɔ dɛ́ ɛ kembɔr tɛ Moab ne Amɔn tena, mbarafo ne chɛɡra dɛ bammuɡli waa baa kpɔa ɛ Koranar Bwa Kooro nɛra la wa.

Amanesoma Jɔn Aa Chwera Tɔn 11:19

Asɛ Juu tena warɛ dɛ ba Maata ne Mɛɛre be dɛ baa bwɛɛ ba ba nimambie la seo wa.

Mmarare 26:7

Anee ya wi no Korowii ya naawa aa dɛ tomɔ la, asɛ o no ya be. O na ɡɛ baa dɛ do yaa tomkpeɡa ta ne wahala yaa lɔ a ta.

Mmarare 32:27

Dɛ berɛ lii kɛŋɔ he dɔma bɛ ba te ba maŋkura dɛ́ ŋɔ banee pɔ n nɛra nɛ, kɛ dɛ menee wona ɛ ɡɛ.’

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”