Wiile 1:5 - mzwDBL

⁵ O dɔma pɔ o nɛ, dɛɛ di kpeɡri. Korowiirii ŋɔa o bwara nyɛɡ o wechɔɡa aa kana kohona la wa. Ba lawɛ o bii bwa laa ta kaa harɛfala ta o dɔma siwi ta.

Wiile 1:5 ပူးပေါင်းရင်းမြစ်များ

2 Koranar 21:15

Dɛkalkɛ, ba ɛ wechɔɡa dɛ jo n nɛ, dɛ ir n bandia le awola ba naawa aa le Ijipt harɛ ta ba le fini.”

Yela 80:6

He ɡelɔ harɛre nɛra baa bar yaa cheme yo dɔŋa ya harɛ wa, asɛ ya dɔma chɛɡre yaa.

Yela 89:42

He ɡelɔ o dɔma pɔ o nɛ, dɛ ɡel ba bwa sie lɛ.

Aesaya 22:5

Awola tɔpere la, Korowii, Koranar Bwa Kooro ɛɛ ɡeloo o ɛ ɡbɔɡa ne ɡaeh ne ɔmee tɔpere Chaahna Fɛlembɔjen la ta. Ba kuuɡi danjwɛɛ waa bar bwɛjen la ta awola, ba wii kaa le bwejena dor.

Aesaya 63:18

He Dea waa do ɡoroŋ fa ɛ he nɛra kon saŋ bɛl, kɛ taraken ya dɔma kuuɡu, dɛ tiɡru do harɛ.

Jeremia 10:20

Ya tɛnte deene chɔɡɔ, a ŋwɛɛra bwa chaa. Ya bii bwa kaalɔ ɡel yaa, beŋkpoŋ kwaraa toole, dɛ́ baŋre ya tɛnte deene, kɛɛ dɛ́ nyin sobɔra tɛ yaa.”

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

Jeremia 5:29

A ta chɛ kɛŋɔ men Korowii tɛr ba deŋne waa nɔ wa aa? A ta chɛ kɛ ń bɔ harɛ waa do ken nɔ nɛra kem aa?

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Wiile 3:46

Asɛ ya dɔma bwa pili nyoo bol waa dɛɛ yaɡɛ yaa.

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Mmarare 31:29

Dɛ ŋɔ, n jemɔ kɛŋɔ n seo habɔɔ la, baa ɛ nɛnchɔɡaa dɛ́ vɛh waa maa bola baɡ ba bwa dɛ chwerɛ bil la. Aa ba la sie la, baa na wekpeɡaa, dɛkalkɛŋɔ baa ɛ waa Korowii aa kia, ásɛ o baah di.”