Wiile 1:4 - mzwDBL

⁴ Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.

Wiile 1:4 ပူးပေါင်းရင်းမြစ်များ

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 5:13

Ba ɛɡre bonɔɔna baa namɛ boyu kɛŋɔ yoma ken, bibaala ɡe che datɔɡa dɛɛ kɛŋle.

Wiile 5:14

Nomonome aa bwɛjen la doonyojen ta bela so kpa, bonɔɔna ɡe ɡel yela ɡoe.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.