Wiile 1:17 - mzwDBL

¹⁷ Jerusalam do kɛŋɔ nɛn waa ta nɔn dɛɛ nyin nomɛl ó ba chao, kɛ nomɛlbwa toole dɛ́ ba larawe o bwara. Korowii do nɛra baa soɡa bar Israel, asɛ ba ba yoo laa, dɛɛ ɛo kɛŋɔ kondoŋ bɛl ken.

Wiile 1:17 ပူးပေါင်းရင်းမြစ်များ

1 Koranar 8:22

Asɛ Kooro Solomɔn ir ka che kon baa dɛ ɛ saraha o ta dɛɛ tɛ Korowii la sie Israel tena baa chema la bwa sie, dɛ paɡri o nɔɔra nyundua soŋe Korowii,

1 Koranar 8:38

nɛra yaa ɛ he nɛra nɔ bini bɛlbwa koh a waa le o bambile ta dɛ ir nɔɔra nyundua chaɡɛ he Dea nɔ dɛ soŋe naa,

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Jeremia 15:5

Korowii ŋɔ, “Jerusalam tena, umee dɛ́ sune he nɛɛ jaɔ? Nomɛl lole dɛ́ wi tɛ heya aa? Umee dɛ́ bɔɔ heyaa he bokpeɡa dɔe waa jaɔ?

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 6:3

peteɡra ɛɛ kpɔ ba peera la dibɔr bela, dɛ́ baŋre ba tɛnte deene bar o bwa, ásɛ bɛlbwa ka so bela waa dɛ nyin.

Jeremia 8:18

N bambile chɔɡɔ kohona, asɛ n loo ku.

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Wiile 1:19

N yerɛ harɛre nɛra n ne ba nyoa aa pɛa, kɛ ba vɛh n chae. Nomonome ne sɔfore serewɔ chɔ bwɛjen la fɔɡbaahna, kondikwaa baa ka soŋe di dɛ́ won so la wa.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Wiile 4:15

Asɛ nɛra la nyɛɡ ba nɛɛ ŋɔ, “Hé le ya be kaa! Hé kah doŋa! He bɛ yaa leɡe!” Gɛɛ baa ba harɛre ta doe dɛɛ ɡaaɡe, nomɛlbwa aa wola won lɛɛ ba.

Ɛsekeɛl 36:17

“Nɛwɛnyini bie, Israel tena fa aa soɡe ba harɛ ta la, ba cheɡɛ ba da ne ba we-ɛɛla ta, dɛ kpɔ doŋa kah harɛ la dɛ chɔɡo. Ba we-ɛɛla do kɛŋɔ haah waa le dahara n be.

Hosia 8:8

Israel tena waa tonɔ, ba do kɛŋɔ konsala harɛre nɛra bini.