Wiile 1:14 - mzwDBL

¹⁴ O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Wiile 1:14 ပူးပေါင်းရင်းမြစ်များ

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 27:12

Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 28:13

“Ir la ka ŋɔ Hanania be ŋɔ, ‘Haa wona ku daa la nomanta, buni konee dɛɛ ba ba chiɡ o naa ta.

Jeremia 28:14

Waa Koranar Bwa Kooro, Israel tena aa dɛ tomɔ la aa dɛ bol laanee nɔ, dɛ́ wɛɛ kpɔ buni waa do kɛŋɔ daa ba yon kpɔ dawɛ nae nɛɛ aa parɛ laanee dawɛ harɛre nɛra baŋa ta, ásɛ baa tomɛ Babelɔn Kooro Nebukadnesa. Hale dɛ́ ɡel kpɔɡ bini ola ɡba ɛɛ tomɛ Kooro Nebukadnesa.’ ”

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 32:5

Baa lawɔɔ kaa Babelɔn, o do bela ka tel kɛŋɔ maa nyiŋi o waa bini tonɛ. Hale o yo Babelɔn tena kwaraa naa, aa on kɛrɛdɛɛ chiɡ. Men Korowiirii bola.”

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Ɛsekeɛl 11:9

Mɛɛ doŋi heyaa le bwɛjen nɔ ta, dɛ́ kpɔ heyaa do nɛŋhɔɔhra nɔn ta, dɛ́ tɛr he deŋne.

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 23:28

Nemenɛ Korowii ŋɔ, “N dɛ ba he kpɔe do nɛra ba wa aa pee he hah ba la nɔn ta.

Ɛsekeɛl 25:4

Anomanta, mɛɛ ɡeloo nɛra le wee leebɔr bá yo heya, dɛ́ pɔ he nɛ. Baa baŋre ba tɛnte deene he harɛ taa dɛ́ so, dɛ́ di he daa nɔna, dɛ́ nyɔ he kondɛɛra elne.

Ɛsekeɛl 25:7

Anomanta, n nɔn dawɛ he nɛ ń tɛr he deŋne. Mɛɛ kpɔ heyaa do harɛre nɛra nɔɔra ta kɛŋɔ baa pa laala laa ta kaa ken. Mɛɛ chɔɡ he bwaa kwara, haa wola warɛ dɛ́ tel harɛbir nɛra kpa. Hɛɛ jemɔɔ kɛŋɔ menee Korowii.’ ”

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.