Wiile 1:11 - mzwDBL

¹¹ Jerusalam tena bwa himo dɛɛ nyin kondikwaa dɛ́ di. Ba kpɔ ba laala a yoɡ aa kpeɡa dɛɛ charɛ kondikwa, dɛ́ won so. Dɛ ŋɔ, “N Naa Korowii, nyiŋi dɛ́ na wenaale yaa lɔ a ta taraken.”

Wiile 1:11 ပူးပေါင်းရင်းမြစ်များ

2 Koranar 6:25

Baa tɔ Samaria tena do la ɡelɔ lɔr chole Samaria, asɛ ba yoɡ keeɡo nyu suuɡapoŋa fifraanuatoro. Dɛ yoɡ kweah bena lakaja del suuɡapoŋa anue.

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Jeremia 38:9

“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”

Jeremia 52:6

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Wiile 2:12

Lɔr ne nyɔɡre ɡelɔ ba wi dɛɛ yerɛ ba nyare, dɛɛ choɡli bwɛɛ la fɔɡbaahna kɛŋɔ baa do ba bola ken, dɛ serewe dawɛ ba nyare nɔɔra ta.

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Wiile 5:1

N Naa Korowii, lii ya wa dɛ́ na waa aa pu yaa. Nyiŋi dɛ́ na ɡɛ sihiih aa kpo yaa.