Wiile 1:10 - mzwDBL

¹⁰ Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Wiile 1:10 ပူးပေါင်းရင်းမြစ်များ

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Aesaya 63:18

He Dea waa do ɡoroŋ fa ɛ he nɛra kon saŋ bɛl, kɛ taraken ya dɔma kuuɡu, dɛ tiɡru do harɛ.

Jeremia 15:13

He wechɔɡa aa kana harɛ la ta bwa nomanta, mɛɛ ɡeloo dɔma pa he kondɔɔh, ne laala a yoɡ aa kpeɡa bwa kɛŋɔ laa ta kwa, ásɛ a ɛ deŋnetɛra tɛ heya.

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 27:19

Waa Koranar Bwa Kooro aa dɛ bol pilare ne loɡjen baa dɛ yerɔ Mpo, ne kwaane aa do kɛŋɔ torɔɡo ba won a taɡa, dɛ laala ane baa kpɔa ɛ Dea la bini a do wer dɛ ka bwɛjen nɔ bini,

Jeremia 27:21

Hé no, waa men Koranar Bwa Kooro, Israel tena aa dɛ tomɛ, aa dɛ bol laala a yoɡ aa kpeɡa, dɛ do n Dea ne koodem waa lɔ Jerusalam la wa.

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 51:51

He ŋɔ, “Sihiih kpo yaa ya di ncho, dɛkalkɛ nɛŋhɔɔhra dɔ bɔr jo Korowii Dea bɔra aa do ɡoroŋ bela.”

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

Ɛsekeɛl 7:22

Mɛɛ laa sie kpɔ ba be, ásɛ ŋwɛɛra ba jo n Dea bela laala a yoɡ aa kpeɡa aa lole la, dɛ́ kpɔ doŋa kaoh.

Ɛsekeɛl 9:7

Korowii ŋɔ ba be ŋɔ, “Hé pa nɛra haa kpoo ba la ba su n dembaah bela, dɛ́ kpɔ doŋa kah n Dea la. Hé kaa.” Anomanta, ba jo bwɛjen la bini, dɛ pa mun dɛɛ kpoo nɛra la.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Mmarare 23:3

Amɔn tena kɛɛ Moab tena, hale ba naanar baa teŋa bele fi aa won ja Korowii nɛra bini.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.