Wiile 1:1 - mzwDBL

¹ Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Wiile 1:1 ပူးပေါင်းရင်းမြစ်များ

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

2 Koranar 23:33

Ijipt Kooro baa dɛ yerɔ Neko yo Kooro Jehoahas, dɛ lawɔ bwɛjen Ribla waa lɔ Hamat harɛ ta, dɛ vɔrɔwo jɔɡrɔre ne, asɛ o kora dii jaɡɛ bela. Dɛ ɛɡre Juda tena lɛ toɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne suuɡaswɛm a tɔɡre aa ɛ kilore fifraatoro dɛ anaarɛ.

2 Koranar 23:35

Kooro Jehoiakim bɔ suuɡapoŋa ne suuɡaswɛm Ijipt Kooro Neko aa ɛɡ ba dɛɛ lɛ la. Gɛ nomɛlbwa aa dɔa taa Kooro Jehoiakim nyiŋi dɛ lɛ suuɡa la, ɡɛ aa ɛ ó won bɔ toɔ la ɡɛ Kooro Neko aa dɛ nyin la.

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Nehemia 5:4

Asɛ bane ɡe ŋɔ, “Yá kemɛ suuɡa, dɛ́ kpɔ bɔ toɔ kooro aa dɛ lɛ yaa ya kooni ne daa kooni ta.

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

Yela 122:4

Belaa Israel deene bwa ɛɛ cheme dɛɛ kpɛɛ Korowii, ɡɛ waa do ba la.

Aesaya 14:12

Babelɔn kooro, na ɡɛ haa le nyundua ba le harɛ. Chɔmbibi wewee, chɔmbibi bonɔɔ! Ba taɡɛ ta harɛ, nɛn he fa aa pɔ harɛre nɛ!

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 49:21

Ásɛ he ba lii he nyu bini ŋɔ, ‘Ume tenee lolɛ ɡɛ bii nɔ tɛ mɛ nɔ? Dɛ n paŋɛ bii maa wola lii kɛ mɛɛ dɔ banee kpa. Ba doŋ mɛ n kaa harɛfale ta, aah umee dɛɛ bechale nɔɔ? Dɛ n ɡboo kaa, leperaa ba le ba te nɔ?’ ”

Aesaya 50:5

Nemenɛ Korowii ɡelɔ mɛɛ no waa mun. N ta deŋnekpeɡ ɛɛ dɛ berɛ habɔɔ kpoo.

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Jeremia 31:7

Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Jeremia 40:9

Belaa Gedalia ŋwɛɛ ntam baɡ ba ŋɔ, “Hɛɛ berɛ Babelɔn tena nɔ ɔma, hé so bonɔ dɛɛ tomɛ Babelɔn kooro, aa chiɡ heyaa kɛrɛdɛɛ.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 44:2

Koranar Bwa Kooro, Israel tena aa dɛ tomɔ la ŋɔ, “He ɡbabir na chɔɡa maa chɔɡ Jerusalam ne Juda bwɛjena la bwa. Hale a bwa berɛ dimɡbia, nomɛlbwa aa wola a ta soɡe,

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Jeremia 50:23

Na Babelɔn o fa aa do kɛŋɔ hamba, dɛɛ paɡre harɛ nɔ bwa la aa kuuɡa ɡɛ! Na ɡɛ harɛ la bwa aa chɔ pɛɛ, asɛ harɛre nɛra bwa na ba nyoa kpo.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Wiile 1:19

N yerɛ harɛre nɛra n ne ba nyoa aa pɛa, kɛ ba vɛh n chae. Nomonome ne sɔfore serewɔ chɔ bwɛjen la fɔɡbaahna, kondikwaa baa ka soŋe di dɛ́ won so la wa.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Wiile 5:16

Komɛlbwa toole ya won dɛɛ tamane o waa kpa. Ya ɛ wechɔɡa nomanta, wenaale kohona ba ya nɛ.

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 5:5

Nemenɛ Korowii ŋɔ, “Na Jerusalam, n kpɔɔ cheɡ harɛre bwa baah ta a baro cheme.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.