We-ɛɛla 9:4 - mzwDBL

⁴ Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

We-ɛɛla 9:4 ပူးပေါင်းရင်းမြစ်များ

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

1 Kɔrent 12:12

Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do.

Tɔn Pɔɔl Aa Chwerɛ Rom Tena 11:22

He nyiŋo na naa, dɛ he jemɔ kɛŋɔ Korowii tea som, kɛ o waa ɡe kpeɡri taeh. Nɛra ba deŋne aa kpeɡa baa wola o ŋwɛnɛ ta teŋɛ la, o dɛ nyiŋ ba sinyɛɡa ne. Kɛ dɛ hɛɛ dɛɛ teŋɛ o ŋwɛnɛ taa te naa, wɛɛ ta tea tɛ he te. Kɛ dɛ he ta o ŋwɛnɛ ta teŋaa, wɛɛ kɛ he ɡee ta.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Mumpar 22:11

Asɛ Korowii nyundua torome bɛl che nyundua yerɔ, “Abraham!” Anee o sɛh ŋɔ, “Menee nɔ.”

Mumpar 16:8

Korowii nyundua torome la bɔɔro ŋɔ, “Sarai tolo Heeɡa, leperaa hɛɛ kaalɔ?” Asɛ o ŋɔ, “Chwae n chwa le n nya Sarai be.”

Ɛfesos 5:30

Ya bwa ɛ o bwadabii la pera.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Amanesoma Jɔn Aa Chwera Tɔn 21:15

Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Mumpar 3:9

Anee Korowii yerɛ baa la ŋɔ, “Lee he dɔɔ?”

Amanesoma Jɔn Aa Chwera Tɔn 20:16

Anee Yeesu yerɔ ŋɔ, “Mɛɛre.” Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.

Amanesoma Jɔn Aa Chwera Tɔn 18:6

Yeesu aa ŋɔa men nɔ la, ba le habɔɔ dɛ choɡli.

Amanesoma Luk Aa Chwera Tɔn 10:41

Anee Yeesu chaŋo ŋɔ, “Ei, Maata! Wedamanta beɡre he sie, a lɛ he liire bwa. Kɛ webeŋkpoŋ ɡee hiaah.

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Kaala 3:4

Korowii aa naa kɛŋɔ o ba sie dɛ́ ba na la, o yerɔ dawii la bini ŋɔ, “Mosis! Mosis!” Asɛ o chaŋe ŋɔ, “N Naa Korowii, menee nɔ.”

We-ɛɛla 5:10

Buɡ la ta, o ɡe den chole chɔ Pita sie bela, dɛ ɡe sewɛ. Bonɔɔna la aa bala dɛ o ɡe sewɔ, asɛ ba cheo le buse dɛ ka huɡo o jaa jwɛh.

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.