We-ɛɛla 9:36 - mzwDBL

³⁶ Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

We-ɛɛla 9:36 ပူးပေါင်းရင်းမြစ်များ

2 Webena 2:16

Ásɛ ya teŋe daa haa dɛ nyin la bwa le Lɛbanɔn dɛ́ vɔrɔwa, ásɛ dɛ taɡa kpɔ mpo sie ba tɛɛ Jopa waa lɔ mpo nyoa, he ba kpɔ kaa Jerusalam.”

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Sɛɡla 5:19

O wer kɛŋɔ diɡi ken, o we-ɛɛla ɡe do wer, ɡel he sie ɛɛ lɛ o nɛ, hɛɛ nyinu kohona saŋ bɛlbwa.

Yelsom 2:9

N sɛnodɛɛɡe ɡbaŋre kɛŋɔ chwae kɛɛ kweɡlibale, onee ka cheɡa pɛl danjwɛɛ dɛɛ nyiŋi tokorore ta la.

Yelsom 3:5

Jerusalam haahna, n dɛ ŋɔ he be ŋɔ, hé ŋwɛɛ komɛlbwa sɔn ta baɡ mɛ kɛŋɔ, haa n ne n sɛnodɛɛɡe baahnee chɔɡ.

Yelsom 8:14

N sɛnodɛɛɡe, ɛ warane ba n be, chwa ba warane kɛŋɔ kweɡla kɛɛ kweɡlibale waa le bwejena konsɔɔhsoma aa lɔ o ta doa.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

We-ɛɛla 10:23

Belaa Pita ŋɔ ba be ŋɔ bá chɔ o be, ásɛ tɔɔ per ba kaa. Tɔ aa pera la, Pita bala asɔre tena baa lɔ Jopa la bane ja o nɛɛ asɛ ba ne toroma la kaa.

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

We-ɛɛla 10:8

dɛ bol waa la bwa chaɡ ba, dɛ tom ba Jopa.

We-ɛɛla 11:13

Belaa o ɡe baɡle ɡɛ o ɡe aa na nyundua torome o dem, asɛ o ŋɔ o be ŋɔ, ‘Tomɛ nɛn Jopa, ásɛ o la Seemɔn Pita be.

We-ɛɛla 11:5

O ŋɔ ba be ŋɔ, “Bwɛjen Jopaa n do dɛɛ soŋe Korowii, dɛ na wepila ane. N nao kɛŋɔ baa lawɛ komɛl kɛŋɔ yajen nyoo bɔre anaarɛ bwa, kwaane do o ta, a saɡɛ jɛɛhjɛɛh dɛ le nyundua dɛɛ ba harɛ.

We-ɛɛla 9:38

Dɛ Jopa ne Leda aa jaŋɛ, anomanta, asɔre tena baa lɔ Jopa la aa noa kɛŋɔ Pita lɔ Leda la, ba tomɛ baala banɛ o be dɛ ŋɔ bá ka ŋɔ o be ŋɔ ba dɛ soŋo kɛ ó ɡel wobɛlbwa dɛ́ ba ba be warane.

We-ɛɛla 9:42

A ɡɛ waa nɔ perɛ Jopa bwa, asɛ nɛra kɛrɛdɛ che a ta dɛ yarada Yeesu waa la.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Taetos 2:7

Henee chɛ kɛ he ɡel he we-ɛɛla do wer wobɛlbwa ta, ásɛ ba nyiŋi dɛɛ hweli. Dɛɛ baɡle waa kasinteŋ ne, dɛɛ swɛɛ siwi a ta.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Josua 19:46

ne Me Jaakɔn ne Rakon, dɛ kpoŋe ka le Jopa harɛ ta bwa.