We-ɛɛla 9:22 - mzwDBL

²² Sɔɔl aa dɛ bol Korowii Waa la, dɛ name kwaraa o wobol la bini ɛɛ do kpeɡri. O baɡlɔ le Korowii wobol la ta kɛŋɔ Yeesuu Kristo la kasinteŋ, anomanta, Juu tena baa soɡe Damaskɔs la ta wone tɔŋlo kpa.

We-ɛɛla 9:22 ပူးပေါင်းရင်းမြစ်များ

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Aesaya 40:29

O won banɔ la baa ɡwɛɡra bokpeɡa tɛɛ, dɛ won banɔ la baa wola kpeɡri dɔe ɡe kpeɡri jae.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”

We-ɛɛla 18:5

Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

We-ɛɛla 9:21

Nɛra baa no o wobol la bwa nyoa kpoo, ba ŋɔ, “Baa nɔ laa fa dɛ ɛ nɛra baa lɔ Jerusalam dɛɛ tomɛ Yeesu la saɡasaɡa dɛɛ nyin o kpoo ba la aa? Aah a ɡɛ asɔre tena nɔ lawa sɔn laa o yerɛ dɛ ba bonɔ dɛ fe ba laɡ ba ka tɛ Sɔfonomonome la aa?”

We-ɛɛla 9:23

Aa biɡra tama la, Juu tena la chemo dɛ vɔrɔwe ŋɔ bá fe kpo Sɔɔl,

We-ɛɛla 9:27

Belaa Banabas tɔ o sie dɛ kpɔɔ ba Yeesu toroma la be, dɛ baɡle ɡɛ Sɔɔl aa dɛ ba ŋwɛnɛ ta dɛ ba na Yeesu asɛ o bol waa o be. Banabas baɡle ɡɛ Sɔɔl aa wona bol waa Damaskɔs bambile ne Yeesu sɔn ta.

1 Kɔrent 1:27

Korowiirii saahna le waa nɛra aa dɛ liira wesale dɛ́ ɡel sihiih kpo wejerema, asɛ dɛ saah le ɡwɛɡra ɡe dɛ ɡel sihiih kpo kpeɡnɛra,

Galaasia 1:18

A habɔɔ bene atoroo mɔɔ n la Pita be Jerusalam dɛ ka chɔɔro dɛ jemɔ. Maa la Pita chɔɔra la, n kaa so o be tɔpera fi dɛ anue.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.