We-ɛɛla 9:20 - mzwDBL

²⁰ asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

We-ɛɛla 9:20 ပူးပေါင်းရင်းမြစ်များ

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Matiu 4:3

Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

We-ɛɛla 13:14

Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so.

We-ɛɛla 13:33

ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ, ‘N Biee hen, fini n berɛ he Mɛɛ.’

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 13:5

Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

We-ɛɛla 16:13

Ona Tɔpere la ta la, ya le dem dɛ la bwɛɛ la moo nyoa. Dɛ ya dɛ lii kɛ Juu tena ɛɛ dɛɛ cheme belaa dɛɛ soŋe Korowii. Dɛ haahna bane cheme bela, asɛ ya so harɛ dɛ bol waa ba be.

We-ɛɛla 17:10

Bɔr aa baa jo la, asɔre tena la kpɔ Pɔɔl ne Silas kaa Bɛrea. Baa la bela la, ba kaa jo bela cheremi dea bini.

We-ɛɛla 17:17

Anomanta, dɛ o dɛ la bela cheremi dea o ne Juu tena, ne Grik tena baa dɛ tomɛ Korowii ɡɛ Juu tena aa dɛ tomɔ la kaa nyiŋi Korowii waa la bini. Dɛ tɔpere bɛlbwaa wɛɛ so bwɛɛ la fɔɡbaah, asɛ dɛɛ bol waa nɛra baa dɛ ba bela la be, asɛ o ne baa nyiŋi Korowii waa la bini.

We-ɛɛla 17:2

Pɔɔl la cheremi dea bela ɡɛ o yon dɛɛ ɛ bwɛɛre bwa ta la. Waa lɔ bela la, o yawanyoa atoro bwa dɛ o ne Juu tena la dɛ bol waa dɛɛ tɔŋle dɔŋa Korowii waa baa chwera la ta.

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

We-ɛɛla 9:22

Sɔɔl aa dɛ bol Korowii Waa la, dɛ name kwaraa o wobol la bini ɛɛ do kpeɡri. O baɡlɔ le Korowii wobol la ta kɛŋɔ Yeesuu Kristo la kasinteŋ, anomanta, Juu tena baa soɡe Damaskɔs la ta wone tɔŋlo kpa.

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Wepila 2:18

Tɔn nɔ dɛ kaa nyundua torome waa cheɡa tɛ asɔre tena baa lɔ Tiatra la be. “Kenii men maa ɛ Korowii Bie, dɛ dɔ sibie a do kɛŋɔ ninlao, dɛ dɔ nakpale kɛŋɔ ayaawa la ŋɔ,