We-ɛɛla 9:2 - mzwDBL

² dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

We-ɛɛla 9:2 ပူးပေါင်းရင်းမြစ်များ

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Matiu 10:17

Hɛ́ɛ nyiŋi kɛrɛdɛ, dɛkalkɛ baa lawɛ heyaa ka cheme nomonome sie, dɛ́ lɔɔ heyaa chweremi ne cheremi deene ta.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

We-ɛɛla 18:25

Ba fa baɡle Apolos Yeesu bwara waa ne o ŋwɛnɛre bwa, asɛ o jema, dɛ ɡe ɛɛ baɡla o bokpeɡa bwa ne. Kɛ, dɛ Jɔn o fa aa dɛ sɔ nɛra Korowii nee la waa waa baɡle nɛra Yeesu waa la ɡboo o no.

We-ɛɛla 19:23

A ɡɛ saŋ la, dɛ Ɛfesos tena baa wola asɔre tena ɛɛ la lɛ ɡaeh nɛra baa dɛ teŋɛ ŋwɛnɛfale la ta la nɛ.

We-ɛɛla 19:9

Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.

We-ɛɛla 24:14

Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.

We-ɛɛla 24:22

Dɛ Fɛlekse jemɛ ŋwɛnɛfale la waa taeh. Anomanta, o teŋe wobol la ta, dɛ ŋɔ ba be ŋɔ, “Dɛ soojanomonjen Lisias balaa, mɛɛ nyiŋi he waa nɔ taa.”

We-ɛɛla 26:10

Maa lɔ Jerusalam la, dɛ ɡɛ toma nɔɔ mɛɛ ɛ. N soŋe Sɔfonomonome ba tɛ mɛ kpeɡri, asɛ n larawe Korowii nɛra ba wa aa toɡra do deene pirim. Gɛ saŋ la, dɛ ba bol ba waa dɛ pa ba bolchɔɡe ŋɔ bá kpoo ba aa, ɡɛɛ n ɡe sɛh teŋɛ ba kpoora la ta.

We-ɛɛla 26:12

Gɛ ŋwɛnɛ nɔ bɛlee n soŋe Sɔfonomonome be, asɛ ba tɛ mɛ kpeɡri ŋɔ ń la Damaskɔs.

We-ɛɛla 6:9

Belaa Juu tena baa dɛ cheme cheremi dea bɛl baa dɛ yerɔ Libetines la, ir dɛɛ tɔŋle Steeven. Dɛ Juu tena nɔ le Sairini ne Alɛksandrea, bane ɡe le Silisia harɛ ne Eesia harɛ ta.

We-ɛɛla 7:19

Dɛ o dɛ neɡ ba dɛɛ ɛɛ ba nyubinikpeɡ, dɛɛ fiɡ ba, dɛ ɡel ba kpɔ ba bechasɔɔhne kaa ta baa serewe.

We-ɛɛla 9:14

O taraken bala waa ba Damaskɔs nɔ, Sɔfonomonomee tɛo kpeɡri ŋɔ ó ba larawe ya nɛra yaa dɛ tomɛ la bwa la.”

We-ɛɛla 9:21

Nɛra baa no o wobol la bwa nyoa kpoo, ba ŋɔ, “Baa nɔ laa fa dɛ ɛ nɛra baa lɔ Jerusalam dɛɛ tomɛ Yeesu la saɡasaɡa dɛɛ nyin o kpoo ba la aa? Aah a ɡɛ asɔre tena nɔ lawa sɔn laa o yerɛ dɛ ba bonɔ dɛ fe ba laɡ ba ka tɛ Sɔfonomonome la aa?”

2 Kɔrent 11:32

Maa lɔ bwɛjen Damaskɔs la, bwɛɛ la nomoa waa lɔ Kooro Aretas lɔɡa le nɛra ŋɔ báa daah doonyoone aa lɔ danjwɛɛ waa bar bwɛɛ la bwa cheme ta la, ásɛ dɛ laɡ mɛ.

Galaasia 1:17

N ta Jerusalam laŋɛ dɛ ka na nɛra baa tɔ sie ɛ Yeesu toroma n nɛɛ la mɔɔ. Pae n den pa sie kaa Arab harɛ. Maa le bela la, n baa kaa Damaskɔs.