We-ɛɛla 9:17 - mzwDBL

¹⁷ Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

We-ɛɛla 9:17 ပူးပေါင်းရင်းမြစ်များ

Mumpar 45:4

Anee o ŋɔ ba be ŋɔ, “N poo heya, hé suuh tel mɛ.” Baa suuhna telo la, asɛ o ŋɔ, “Menee he nime Josef haa yoɡ mɛ tɛ Ijipt tena la.

Matiu 19:13

Dɛ nɛra bane kpɔ ba bii ba Yeesu be ŋɔ ó kpɔ o nɔn dawɛ ba nɛ, dɛ́ swee ba andɛɛɡa. Asɛ o habɔteŋra la kɔɡre nɛra la ŋɔ bá kpɔ ba bii la le le.

Amanesoma Mak Aa Chwera Tɔn 5:23

dɛ soŋo ŋɔ, “N poori, nomoa, n bihaah bwara dɛ weo wɛɛ ba sewa. Ba dɛ́ ba kpɔ he nɔɔra dawɛ o nɛɛ ásɛ o bwara do kpeɡri o ir.”

Amanesoma Mak Aa Chwera Tɔn 6:5

O ta wone ɛ nyokpowaane bela, nemenɛ weela tena tamaa banee o kpɔ o nɔɔra dawɛ ba nɛɛ dɛ chaah ba.

Amanesoma Luk Aa Chwera Tɔn 1:41

Ɛlesabɛt aa no Mɛɛre taa la, anee bie la aa lɔ o tea bini la lɔ kpeɡri nɛ, asɛ Korowii Domadɛɛɡe ba so Ɛlesabɛt nɛ.

Amanesoma Luk Aa Chwera Tɔn 1:67

Jɔn mɛɛ Sekaria ɡe la, Korowii Domadɛɛɡe baa so o nɛ, asɛ o won bol waa aa dɛ ba bala kerekere, dɛ ŋɔ,

Amanesoma Luk Aa Chwera Tɔn 1:76

Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Amanesoma Luk Aa Chwera Tɔn 15:30

Kɛ he bie nɔ waa kaa chɔɡ o suuɡa haahna nɛɛ dɛ ba nɔ, he berɔ ɡarɛ kpo nabidɛɛɡe tɛo.’

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 13:3

Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.

We-ɛɛla 13:52

Anɔ bwa aa dɛ ɛ la, bɔhwaah ta asɔre tena baa lɔ bela la lawɛ. Dɛ ba sie lɛo kɛrɛdɛ, asɛ Korowii Domadɛɛɡe la ɡe so ba nɛɛ taeh.

We-ɛɛla 19:6

Pɔɔl kpɔ o nɔɔra dawɛ ba nɛ, asɛ Korowii Domadɛɛɡe ba so ba nɛ, asɛ baa bol wobofala, dɛɛ bol Korowii Wa.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

We-ɛɛla 26:15

Anee n ŋɔ, ‘Henee umeo, n Dɔɔ?’ Asɛ o ŋɔ, ‘Menee Yeesu haa cheɡɛ n nɛɛ la.

We-ɛɛla 4:31

Baa soŋe Korowii tonɛ la, dea baa lɔ o bini la jiɡro. Korowii Domadɛɛɡe baa so ba nɛ, asɛ baa bol Korowii Waa la bansua bwa ne.

We-ɛɛla 6:6

Nɛra la kpɔ a ɡɛ nɛra nɔ baɡle Yeesu toroma la, asɛ ba kpɔ ba nɔɔra darawe ba nɛɛ dɛ soŋe Korowii tɛɛ ba.

We-ɛɛla 8:17

Pita ne Jɔn kpɔ ba nɔɔra darawe ba nɛ, asɛ Korowii ɡel o Domadɛɛɡe la ba so ba nɛ.

We-ɛɛla 9:18

Buɡ la ta, dɛ kwaane le Sɔɔl sie lee harɛ kɛŋɔ pɛŋe pɛɡa ken, asɛ o berɛ won dɛɛ na ja. Anee o ir, asɛ ba sɔɔ Korowii ne,

Tɔn Pɔɔl Aa Chwerɛ Rom Tena 15:7

Anomanta, hé lɛ nɛra dɛɛ ja he nɛɛ ɡɛ Yeesu Kristo aa lɛ heyaa la, ásɛ nɛra na dɛ tɛ Korowii jirima,

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

1 Kɔrent 15:8

Menee ka mun nao. N do kɛŋɔ bechala o nya aa kpoŋe o tea o ta beɛ kɛrɛdɛ mɔɔ ba lolɔ la.

1 Kɔrent 9:1

N ta n te dɔe dɛɛ di n nyu aa? N ta Yeesu torome ɛɛ yaa? N ta ya Dɔɔ Yeesu nae yaa? He teŋa haa dɛ teŋɛ Yeesu nɛɛ nɔ le toma maa ɛa he bini ya Dɔɔ kpeɡri ta la.

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Timoti 5:22

Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.

2 Timoti 1:6

A waa ɡela mɛɛ liiri kɛŋɔ hé ir nyu ne dɛ́ kpɔ Korowii kpeɡri awola maa kpɔ nɔn dawɛ he nɛɛ dɛ swee tɛɛ o kpɔ tɛɛ la ɛ toma,

Faelemɔn 1:16

O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.