We-ɛɛla 9:10 - mzwDBL

¹⁰ Dɛ asɔre te bɛl lɔ Damaskɔs baa yerɔ Ananias. O noɔ kɛŋɔ Yeesu aa dɛ yerɔ chaahna ta ŋɔ, “Ananias!” Asɛ o sɛh ŋɔ, “N Dɔɔ, menee la.”

We-ɛɛla 9:10 ပူးပေါင်းရင်းမြစ်များ

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

Mumpar 22:1

Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”

Mumpar 31:11

Belaa nyundua torome bɛl yer mɛ deera la ta dɛ ŋɔ, ‘Jekɔb’ asɛ n sɛh ŋɔ ‘Menee nɔ.’

2 Samoɛl 15:26

Kɛ o sie ta n nɛɛ lɛɛ yaa, ó ɛ ɡɛ bwa aa too o tea.”

Kaala 3:4

Korowii aa naa kɛŋɔ o ba sie dɛ́ ba na la, o yerɔ dawii la bini ŋɔ, “Mosis! Mosis!” Asɛ o chaŋe ŋɔ, “N Naa Korowii, menee nɔ.”

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 11:5

O ŋɔ ba be ŋɔ, “Bwɛjen Jopaa n do dɛɛ soŋe Korowii, dɛ na wepila ane. N nao kɛŋɔ baa lawɛ komɛl kɛŋɔ yajen nyoo bɔre anaarɛ bwa, kwaane do o ta, a saɡɛ jɛɛhjɛɛh dɛ le nyundua dɛɛ ba harɛ.

We-ɛɛla 12:9

Belaa Pita teŋɛ o nɛɛ le dea la bini. Waa teŋɛ o nɛɛ dɛɛ le la bwa, dɛ o ta jemɛ kɛŋɔ wekpelaa o na la. Dɛ o dɛ lii kɛ wepila anee wɛɛ na.

We-ɛɛla 16:10

Pɔɔl aa na wepila la, men maa dɛ chwerɛ tɔn nɔ ne o kpɔ ya te dɛ kaa Makidoonia harɛ, dɛkalkɛŋɔ ya jemɔ kɛ Korowiirii dɛɛ nyin kɛ ya la ka bol Amanesoma la bela tena be.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 18:9

Awola bɛl, Pɔɔl na wepila ane jwaana. O nao kɛŋɔ Korowii aa dɛ ŋɔ o be ŋɔ, “Bɛ dɛɛ ɔmɛ, dɛɛ bol n waa la nɛra be. Bɛ nyoa tɔ,

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

We-ɛɛla 22:12

Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.

We-ɛɛla 9:12

dɛ na wepila bini kɛ baa bɛl baa dɛ yerɔ Ananias aa baa jo dea dɛ kpɔ nɔɔra dawɛ o nɛɛ asɛ o berɛ dɛɛ na ja.”

We-ɛɛla 9:9

A di tɔpera atoro, dɛ waa na. Dɛ waa kwaa di, waa nee ɡe nyɔ.

2 Kɔrent 11:32

Maa lɔ bwɛjen Damaskɔs la, bwɛɛ la nomoa waa lɔ Kooro Aretas lɔɡa le nɛra ŋɔ báa daah doonyoone aa lɔ danjwɛɛ waa bar bwɛɛ la bwa cheme ta la, ásɛ dɛ laɡ mɛ.

Galaasia 1:17

N ta Jerusalam laŋɛ dɛ ka na nɛra baa tɔ sie ɛ Yeesu toroma n nɛɛ la mɔɔ. Pae n den pa sie kaa Arab harɛ. Maa le bela la, n baa kaa Damaskɔs.

1 Samoɛl 3:4

Asɛ Korowii yerɛ Samoɛl, o chaŋe ŋɔ, “N dɔɔ, menee la.”