We-ɛɛla 8:28 - mzwDBL

²⁸ Dɛ o soɡe kwaa aa do kɛ torɔɡo ba yon vɔwɛ pɛl jaɡre la bɛl ta dɛɛ kure Korowii keame Aesaya tɔn bobɛl.

We-ɛɛla 8:28 ပူးပေါင်းရင်းမြစ်များ

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:99

N dɛ no waa mun ɡwaa nɛra maa hweli waa le ba be, dɛkalkɛ he Mmarare la waa lɔ n nyu bini mɛɛ liira.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Amanesoma Luk Aa Chwera Tɔn 3:4

Gɛ waa nɔɔ Korowii keame Aesaya chwerɛ o tɔn bini ŋɔ, “Nomɛl dɛ bol waa takpeɡ ne pua hɛŋle ɡbo harɛ ta dɛ ŋɔ, nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.

Amanesoma Luk Aa Chwera Tɔn 4:17

Asɛ ba kpɔ Korowii keame Aesaya tɔn la ba do o nɔn ta. O pili tɔn la, dɛ na bela baa chwera ŋɔ,

We-ɛɛla 28:25

Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,

We-ɛɛla 8:27

Felep iro chiɡ ŋwɛnɛ ta dɛɛ kaa, dɛ ka na Itiopia harɛ haŋkooro Kandase nomoa waa dɛ cheɡ o suuɡa dɛɛ nyiŋi o kondɔɔh bwa la. Dɛ ba fɔɡɛ a ɡɛ baa nɔ lur. O la Jerusalam ka tomɛ Korowii dɛ berɛ dɛɛ kaa o bwɛ.

We-ɛɛla 8:29

Belaa Korowii Domadɛɛɡe ŋɔ Felep be ŋɔ, “La ka so kon waa do kɛ torɔɡo la jwɛh.”

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.