We-ɛɛla 8:25 - mzwDBL

²⁵ Pita ne Jɔn baɡle waa Korowii aa ɛa bwa, dɛ bol Korowii Waa bwɛɛ la tena be. Baa tona dɛ berɛ dɛɛ kaa Jerusalam la, ba cheɡɛ Samaria harɛ bwɛɛre la kɛrɛdɛ ta, dɛ bol Amanesoma la ba be.

We-ɛɛla 8:25 ပူးပေါင်းရင်းမြစ်များ

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 18:5

Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

We-ɛɛla 8:40

Felep ne nyiŋa dɛ o lɔ Asotas. O le bela bol Amanesoma la baah bela bwɛɛre la bwa ta ka tel Sisaaria.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

Amanesoma Jɔn Aa Chwera Tɔn 15:27

He ɡe ɛɛ bol n waa baɡle nɛra, dɛkalkɛ chɔɔ bwaa n ne he do le.”

Matiu 10:5

Yeesu aa dɛ tomɛ a ɡɛ nɛra fi dɛ banɛ nɔ la, o do ba ŋɔ, “He bɛ nɛra baa wola Juu tena ɛɛ la harɛ ta la, he bɛ Samaria bwɛɛ bɛlbwa ta la.

Amanesoma Luk Aa Chwera Tɔn 16:28

dɛ́ ka kah n nimanar banue bane baa lɔ bela la ŋɔ, ɡɛ maa ɛa la, ba bɛ ɡɛ ɛ ásɛ dɛ ba bonɔ maa lole dɛɛ na wahala nɔ.’

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.