We-ɛɛla 8:21 - mzwDBL

²¹ He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

We-ɛɛla 8:21 ပူးပေါင်းရင်းမြစ်များ

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

Nehemia 2:20

Asɛ n chaŋ ba ŋɔ, “Korowii Waa Dɛ Di Kora Nyundua ɛɛ ɡeloo wobɛlbwa kaa kɛrɛdɛ tɛ yaa. Yan yaa ɛ o bonɔɔnaa ɛɛ pa munii dɛɛ ma. Kɛ he te nɔn toole Jerusalam komɛlbwa ta. He toole o saŋ la waa ɡe ta.”

Yela 36:1

Korowii waa lɔ n bambile bini, dɛɛ baɡle nyubinikpeɡ tena wechɔɡa wa. Baa Korowii ɔmɛ, á ba ɛ kɛŋɔ baa duuruu.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Lewi Dea Tena 13:8

O berɔ ba nyiŋu dɛ kur la yɛo waa, ó ŋɔ naate kah doŋa. A ɛ weechɔɡa aa dɛ bu.

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Mmarare 10:9

Anee ɡela Lewi dea tena ta harɛ waa baɡ ba nyoa la pera dɔe kɛ ba bala la. Korowiirii ba kaparɛ kon, ɡɛ Korowii haa dɛ tomɔ nɔ aa ŋɔ ba be la.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Josua 22:25

Korowii kpɔ Jɔɔdan Moo ɛ ya ne he Rubin dea ne Gad dea jwɛh. He ne Korowii toole wobɛlbwa bini, ásɛ he naanar ba ɡel yá ɡel Korowii toma.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 22:19

Dɛ nomɛlbwa laa waa aa dɛ ba bala kerekere nɔ bini ane tamaa bɛlbwa kpɔ a ta naa, Korowii aa on mkpa daa maa baɡle o waa tɔn nɔ bini la nɔnaa tɛ ó di. Waa on bɔree tɛ o bwɛjen waa do ɡoroŋ la maa baɡle o waa la ta.