We-ɛɛla 8:20 - mzwDBL

²⁰ Belaa Pita ŋɔ o be ŋɔ, “He ne he suuɡa bwa ɛɛ pɔɔh! Ɛrɛɛ he ɛ na kɛŋɔ hɛɛ wonoo yawɛ Korowii Domadɛɛɡe waa kpɔa kɛ o nɛra nɔɔ?

We-ɛɛla 8:20 ပူးပေါင်းရင်းမြစ်များ

Sɛɡla 15:26

Korowii kii nɛnchɔɡa liire, nɛndɛɛɡa liiree dɛɛ lɛ o sie.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Daneɛl 5:17

Anee Daneɛl chaŋe ŋɔ, “N naa kooro, ɡel koŋkɛɛla la do he be, kɛɛ kpɔ tɛ nomɛl. Ane a bwa, mɛɛ kure kwaa baa chwera dawɛ nɔɔ tɛɛ, dɛ́ baɡle a mun.

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Matiu 10:8

Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

We-ɛɛla 1:18

Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

We-ɛɛla 11:17

Yaa baa yarada Yeesu la, kon Korowii aa kpɔa tɛ yaa laanee o tɛ nɛra nɔ la. Aah dɛ n ɡee umeo dɛ́ tɔŋle Korowii ɔ?”

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

We-ɛɛla 8:19

dɛ ŋɔ ba be ŋɔ, “Hé lɛ dɛ́ tɛ n ɡe a ɡɛ kpeɡri nɔ bɛl, ásɛ nomɛlbwa maa kpɔ nɔɔra dawɛ o nɛɛ la, Korowii Domadɛɛɡe la ɛɛ so o nɛ.”

We-ɛɛla 8:22

Charɛ he liire dɛ́ le he wechɔɡa nɔ haa dɛ lii nɔ ta, dɛ́ soŋe Korowii ásɛ dɛ aa maɡroo waa, ó kpɔ he wechɔɡa haa liira nɔ kɛɛ.

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Mmarare 7:26

Hɛɛ berɛ ɡɛ voɡare la bɛlbwa ne he deremi bala, ɡɛ laa aa, he ne a bwa ɛɛ cheo tɛ kɛŋɔ Korowii chɔɡ heya. A ɛ kondoŋa he kia, dɛkalkɛŋɔ Korowii lea cheɡ kɛŋɔ wɛɛ chɔɡaa.”

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

Jems 5:3

He suuɡaswɛm ne suuɡapoŋa bwa ɡe deero. Awola Korowii aa dɛ ba he waa bola la, he suuɡare aa deera la ɛɛ ɛ danseɛ kɛŋɔ he ɛ wechɔɡa, dɛ́ we heyaa kɛŋɔ nii ken. Bɔkwaa hɛɛ cheɡ suuɡa tɔpera aa ka mun nɔ ta dɛ́ ɛɔ?

Wepila 18:15

Banɔ la ba fa aa yoɡ a ɡɛ kwaa dɛ dɔ suuɡa a ta la ɛɛ che bojaŋee, dɛkalkɛŋɔ ba dɛ ɔmɛ hɔhɔrɔwa aa puu la, dɛɛ wiu dɛɛ dooɡe lɔŋɔre,