We-ɛɛla 8:13 - mzwDBL

¹³ Seemɔn Bebee la ɡba berɔ ba yarada Korowii waa la, asɛ ba sɔɔ a ne. Baa sɔɔ nee la, o kpɔ o te pɛl Felep. Bobɛlbwa Felep aa dɛ la la, o ne onee dɛɛ la. Seemɔn aa na nyokpoa tomkpeɡa Felep aa dɛ ɛ la, a ɛo anebɛlbwa.

We-ɛɛla 8:13 ပူးပေါင်းရင်းမြစ်များ

Habakuk 1:5

Ate, Korowii bol o nɛra be ŋɔ, “Hɛ́ɛ nyiŋi harɛre nɛra baa bar heya cheme dɛ́ɛ pese ba. Hɛ́ɛ na waane ba binii a ɛ heyaa nyokpoa kohona. N dɛ ba waane ɛɛ he saŋ nɔ ta, háa wola lii kɛŋɔ aa bao. Dɛ ba bol he be ka kwaraa naa, haa yarada.

Matiu 3:6

Ba bol ba wechɔɡa chaɡlo waa, dɛ o sɔ ba Korowii nee moo la ta.

Amanesoma Mak Aa Chwera Tɔn 16:17

Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Jɔn Aa Chwera Tɔn 5:20

Dɛkalkɛ Korowii dɛ nyin o bie asɛ dɛɛ baɡlo o we-ɛɛla dɔŋa wɛɛ ɛ. Anomanta, wɛɛ baɡloo wɛɛ ɛ wejena aa ɡwaa anɔ kwara ásɛ a ɛ heyaa nyokpoa.

Amanesoma Jɔn Aa Chwera Tɔn 7:21

Anee Yeesu ŋɔ ba be ŋɔ, “Webeŋkpoŋ ɡboo n ɛ asɛ he nyoa kpo ɡɛ la.

We-ɛɛla 13:44

Ona Tɔpere la aa bala ja la, bwɛɛ la tena kɛrɛdɛ bwa la cheremi dea bela dɛ ka no Korowii Wa.

We-ɛɛla 19:11

Dɛ Korowii cheɡɛ Pɔɔl nɛɛ dɛɛ ɛ nyokpowaa aa do kpeɡri dɛ berɛ ɡwaa loɡla kwaa la.

We-ɛɛla 3:10

Baa naa kɛŋɔ boobi la o fa aa dɛ soŋe kwaa Doonyodɛɛɡe la ta laanee dɛɛ valɛ la, ba nyoa kpoo ba chara jeɡre kɛŋɔ waa bera won ir che dɛɛ valɛ la.

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.