We-ɛɛla 7:8 - mzwDBL

⁸ Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

We-ɛɛla 7:8 ပူးပေါင်းရင်းမြစ်များ

We-ɛɛla 2:29

Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ.

Mumpar 35:16

Asɛ ba ir Bɛtel dɛ kaa. Baa dɛ kaa a ka tama ba tel bobɛl baa dɛ yerɛ bela Efrat la, loltea lɔ Rakɛl. Asɛ a do kpeɡri.

Hibru 7:4

He na ɡɛ waa ɛ nɛnjen kenɛ? Ya nabaa Abraham o sɔn aa lea kohona la, o ɡbabir bɔne kwaa waa dɔa o laa ta bwa bini fi dɛ kpɔ bɔrbeŋkpoŋ tɛo.

Galaasia 3:17

Waa maa dɛ nyin ń baɡle laanee kɛŋɔ Korowii ne Abraham fɔwɛ fɔo bɛl, asɛ Korowii baɡɛ Abraham nyoa kɛŋɔ wɛɛ teŋɛ fɔo la taa. Mosis Mmara nɔ ɡe la, fɔo nɔ habɔɔ bene lafraanaarɛ dɛ fifraatoroo a ɡe ba. Dɛ ɛrɛɛ Mosis Mmara nɔ won ɛ dɛɛ chɔɡ ɡɛ fɔo nɔ dɛ teŋe Korowii nyobaɡa la ta nɔ?

Galaasia 3:15

Yabala, hé ɡel n kpɔ harɛ bonɔ waane maɡɛ waa nɔ maa dɛ bol nɔ. Dɛ nɛra banɛ fɔwɛ fɔo o do kpeɡri aa, nɛmpɛɛ aa won puru ba habɔɔ, nomɛlbwa ɡe aa berɛ won berɔ ba habɔɔ.

Tɔn Pɔɔl Aa Chwerɛ Rom Tena 4:10

a ɡɛ waa nɔ chiɡo mɔɔ Korowii ɡel Abraham teŋe o pen kɛɛ o teŋo mɔɔ nɔ? A chiɡo mɔɔ Abraham teŋe.

Amanesoma Jɔn Aa Chwera Tɔn 7:22

Mosis bee he dɔ penteŋa Mmara la. O be laa penteŋa le te, he naawaa pa a mun. Anomanta, he won bie pen teŋa Ona Tɔpere kwaraa ta.

Matiu 1:2

Abraham lolɛ Aesek, Aesek lolɛ Jekɔb, Jekɔb lolɛ Juda ne o dɔɔranar ne nimanar,

1 Webena 1:34

Abraham lolɛ Aesek. Aesek ɡe bibaala waa lol ba laanee, Esɔ ne Jekɔb.

Mumpar 35:18

Dɛ Rakɛl dɛ ba sewa, anomanta, o pa bie la sɔn Bɛn Oni. Bɛn Oni munii n wenaale bie. Asɛ o mɛɛ ɡe pa o sɔn Bɛnjamen. Bɛnjamen munii n nɔndiɡ bie.

Mumpar 29:31

Belaa Korowii aa naa kɛŋɔ o dɛ nyin Rakɛl waa dɛ ɡwaa Lea la, o tɛ Lea lol asɛ Rakɛl te ɛ hambara.

Mumpar 30:5

Asɛ o kpoŋe tea dɛ lolɛ bibaa tɛ Jekɔb.