We-ɛɛla 7:59 - mzwDBL

⁵⁹ Baa dɛ foɡro bwea la, dɛ o yerɛ Yeesu, dɛɛ ŋɔ, “N Dɔɔ Yeesu, n kpɔ n lileo dɛɛ do he nɔn ta dɛ́ sewɛ!”

We-ɛɛla 7:59 ပူးပေါင်းရင်းမြစ်များ

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Yela 31:5

He nɔn taa n kpɔ n lileo do, N Naa Korowii, he waa dɔ kasinteŋ, lɛɛ mɛ.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

We-ɛɛla 2:21

A ɡɛ saŋ la, nomɛlbwa waa yerɛ men Korowii sɔn la, mɛɛ lɛo.’

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’

We-ɛɛla 9:14

O taraken bala waa ba Damaskɔs nɔ, Sɔfonomonomee tɛo kpeɡri ŋɔ ó ba larawe ya nɛra yaa dɛ tomɛ la bwa la.”

We-ɛɛla 9:21

Nɛra baa no o wobol la bwa nyoa kpoo, ba ŋɔ, “Baa nɔ laa fa dɛ ɛ nɛra baa lɔ Jerusalam dɛɛ tomɛ Yeesu la saɡasaɡa dɛɛ nyin o kpoo ba la aa? Aah a ɡɛ asɔre tena nɔ lawa sɔn laa o yerɛ dɛ ba bonɔ dɛ fe ba laɡ ba ka tɛ Sɔfonomonome la aa?”

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.