We-ɛɛla 7:44 - mzwDBL

⁴⁴ Ya naawa aa lɔ pua hɛŋle ɡbo harɛ ta la, dɛ ba dɔ tɔne ane baa dɛ baŋra kɛŋɔ dea ken, asɛ a ɡɛ dea la ɛ Korowii Dea Cheremibɔr. Gɛ Korowii aa baɡle Mosis laanee ba kwaaro.

We-ɛɛla 7:44 ပူးပေါင်းရင်းမြစ်များ

1 Webena 28:11

Ate, Kooro Devid kpɔ ɡɛ baa ma dea la pato ne o bini deene, ne deene baa cheɡ laala a yoɡ aa kpeɡa bini, ne nyundua deene ne o bini deene, dɛ bela baa kpɔ nɛra wechɔɡa la Korowii be kaa soŋe, ó kpɔ kɛ ba tɛo.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

2 Webena 24:6

Anomanta, o yerɛ Sɔfonomoa Jehoiada dɛ ŋɔ o be ŋɔ, “Ɛrɛɛ he ta nyiŋe Lewi dea tena la Juda ne Jerusalam, dɛ ka lɛ benanyoa bɛlbwa toɔ, Korowii bonɔɔ Mosis ne Israel tena bwa aa ŋɔa bá ka lɛ ba kwaa Korowii Dea Cheremibɔr laɔ?”

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Kaala 26:30

Gɛ maa chaɡle bwejen la doa laanee chɛ kɛŋɔ he baŋre n Tɛnte Dea la.

Kaala 27:8

Daa chɛ kɛ he kpɔ kwaa saraha kon la, dɛ́ ɡel o bini chɔ bɔɔ ɡɛ tenten maa chaɡle bwejen la doa la.

Kaala 38:21

Gɛɛ koŋkwaa baa kpɔa kwaa Korowii Tɛnte Dea waa do. Mosisii do Lewi dea tena asɛ ba chwera bil. Arɔn waa ɛ sɔfo la, o bibaa Itamaa tɔ ba sie ba chwera.

Nɛra Kura 10:11

Israel tena aa le Ijipt harɛ ta bennɛɛte korobie anɛ, tɔpera fifraanɛ habɔɔ la, bam la le Korowii Tɛnte Dea la nyundua bela.

Nɛra Kura 18:2

Saŋ bɛlbwa he ne he bii aa dɛɛ ba toma ɛɛ n Tɛnte Dea waa ɛ n Dea Cheremibɔr bela la, yerɛ he bala Lewi dea tena la bá ba cha he ne he bibaala haa dɛ cha nɛra la, ásɛ ba won tom mɛ ɡɛ aa chɛa la.

Nɛra Kura 9:15

Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Josua 3:14

Belaa a ba kɛ Israel tena la chuɡro le ba sobɔr bela dɛ ɡale Jɔɔdan Moo la, asɛ sɔfore la kpɔ Korowii Ne Nɛwɛnyina Fɔo Daka la che dɛ tɔ ba sie.