We-ɛɛla 7:35 - mzwDBL

³⁵ Mosis la Israel tena fa aa vɛoh dɛ ŋɔ, ó baɡle naate waa cheɡo kora ta ŋɔ ó baa nyiŋi ba nɛɛ dɛ́ɛ bol ba waa la, onee Korowii tomɛ ŋɔ ó ba tɔ ba sie dɛ́ lɛɛ ba ta. Nyundua torome la Mosis aa nao dawii nii ta la nɛɛ Korowii che dɛ tomɔ.

We-ɛɛla 7:35 ပူးပေါင်းရင်းမြစ်များ

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Yela 77:20

He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.

Kaala 14:19

Korowii torome waa tɔ Israel tena sie o ne baa valɛ la le ba sie dɛ ba che ba habɔɔ. Bam la waa tɔ ba sie la ɡe le ba sie dɛ ba che ba habɔɔ,

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Kaala 2:14

Anee o chaŋe ŋɔ, “Umee cheɡe kora ta ŋɔ hé baa nyiŋi ya nɛɛ dɛ́ bol ya waa dɛɛ pa bole ɔ? He dɛ nyin he kpo mɛ ɡɛ haa kpo Ijipt te la kɛɛ?” Ate, Mosis ɔmɛ, dɛ lii kɛŋɔ, “Jamɔ nɛra na n waa maa ɛa la.”

Kaala 32:34

He te tɔ nɛra la sie kaa bela maa chaɡle la. Mɛɛ ɡeloo n torome tɔ he sie. Kɛ dɛ tɔpere maa tɛr ba deŋne ba wechɔɡa baa ɛa la telaa, mɛɛ tɛr ba deŋnee.”

Kaala 33:2

Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Nɛra Kura 20:16

asɛ ya wi no Korowii o no yaa, dɛ ɡel nyundua torome ba kpɔ yaa le Ijipt harɛ ta. Taraken ya lɔ Kades, bwɛɛ waa lɔ he harɛ jwɛh ta.

Amanesoma Mak Aa Chwera Tɔn 12:26

Nɛra seo ta ira ɡe la nɔ, dɛ he dɛ lii Mosis Tɔn bini waa ane aa dɛ baɡle dawii fuih la wa aa, ba chwerɛ bela ɡɛ Korowii aa ŋɔ Mosis be ŋɔ, ‘Menee Korowii he nabaala Abraham ne Aesek dɛ Jekɔb aa tomɔ la aa?’

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Amanesoma Jɔn Aa Chwera Tɔn 18:40

Belaa ba bwa nyɛɡ kohona ŋɔ, “Bɛ on foo! Foo Barabas!” Dɛ ɡɛ Barabas nɔ, ŋwɛɛree.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

We-ɛɛla 3:22

Mosis baɡlɔ ŋɔ, ‘N Naa Korowii ɛɛ tomɛ o keamee ó ba bol o waa dɛɛ tɛ heyaa ɡɛ waa tom mɛ la. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol, dɛ́ ɛ ɡɛ bwa waa dɛ baɡle.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

We-ɛɛla 7:30

Bene fifraanaarɛ aa baa ɡale Mosis nyu ta bela la, o la pua hɛŋle ɡbo harɛ bɛl ta, Sinai Bwejen la bɔr, dɛ ka na nyundua torome bela. Dɛ dawii ane aa dɛ lawɛ baahnee nyundua torome la che.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Hibru 2:2

Waa Korowii fa aa kpɔa tɛ o nyundua toroma ba bol la ɛo kɛ mmarakpeɡ bɛl. Nomɛlbwa waa wola a ta teŋɛ la, bá tɛr o deŋne ɡɛ aa chɛa.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.

1 Samoɛl 12:8

Jekɔb ne o bii aa kaa jo Ijipt harɛ ta asɛ baa fiɡ ba la, he naawa wio no Korowii ŋɔ ó cha ba. Asɛ o tomɛ Mosis ne Arɔn ba ba lawɛ he naawa le Ijipt harɛ ta, dɛ kpɔ ba ba so bonɔ.