We-ɛɛla 7:26 - mzwDBL

²⁶ Tɔ aa pera la, o na Israel tena banɛ baa yo, dɛ la ŋɔ ó ka larawe ba yoi la. O ŋɔ ba be ŋɔ, ‘Nɛmbeŋkpoŋii heya. Bɔkwaa dɔ heyaa hɛɛ yo ken ɔ?’

We-ɛɛla 7:26 ပူးပေါင်းရင်းမြစ်များ

Mumpar 13:8

Belaa Abram ŋɔ Lɔt be ŋɔ, “Nɛmbeŋkpoŋii n ne he bwa, anomanta, a ta chɛɛ kɛŋɔ n ne he yo, a ta chɛɛ kɛŋɔ n bonɔɔna ne he bonɔɔna ɡe yo.

Mumpar 45:24

O kaa do o dɔɔranar ŋwɛnɛ asɛ baa dɛ kaa la, o ŋɔ ba be ŋɔ, “Hɛɛ berɛ ka yoi ŋwɛnɛ ta noo!”

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Sɛɡla 18:19

A kpeɡri kɛŋɔ he won kwaa he ne he dam haa ɛo wechɔɡa baah, ɡwaa kɛŋɔ haa paɡre danjwɛkpeɡ baa maa bar bwɛjen. Naɡra do kɛŋɔ bune baa kpɔa kaɡre bwɛjen doonyoa la.

Matiu 14:22

Belaa Yeesu ɡel o habɔteŋra la jo ɡbera bini dɛ tɔ sie kaa moo la baŋ, asɛ o ɡe ɡel nɛra la ɛɛ peɡre.

We-ɛɛla 7:25

Dɛ Mosis dɛ lii kɛŋɔ o bwɛɛ tena la ɛɛ jemɔɔ kɛŋɔ Korowiirii dɛɛ nyin a che o nɛ dɛ́ lɛɛ ba ta, kɛ ba ta ɡɛ jemɛ.

Felepae 2:1

Haa dɔ ɡbemba pɛɛ he ne Yeesu Kristo aa pɛa la ta, o nyina ɡee larawe heyaa bwara, he dɔ Korowii Domadɛɛɡe ɡe wɛɛ cha heya, dɛ dɔ nɛnnyin he chal do dɔŋa nɛɛ nɔ,

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.