We-ɛɛla 7:23 - mzwDBL

²³ Waa baa dɔ bene fifraanaarɛ la, a ba o nyu bini kɛŋɔ ó nyiŋi dɛ́ na ɡɛ baa dɛ ɛ o bala Israel tena la.

We-ɛɛla 7:23 ပူးပေါင်းရင်းမြစ်များ

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Wepila 17:17

dɛkalkɛŋɔ Korowiirii kpɔ ɡɛ do ba bambile bini kɛŋɔ bá ɛ waa waa dɛ nyin, dɛ́ ɡel ba ɛ liire beŋkpoŋ, dɛ́ kpɔ ba kpeɡri tɛ olchɔɡe la ó di ka tel kɛŋɔ waa Korowii aa bola la aa ɛa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

We-ɛɛla 15:36

A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Kaala 35:21

asɛ bɛlbwa aa le o bambile ta kɛŋɔ ó kpɔ kwaa ba tɛ Korowii, bá kpɔ kwaa o Dea Cheremibɔr la kpɔ ba, ásɛ ba kpɔ ɛ kwaa baa kpɔ tomɛ Korowii bela, ne laala aa do ɡoroŋ la bwa.

Kaala 4:18

Belaa Mosis berɛ kaa o helabaa Jetro be dɛ ka ŋɔ o be ŋɔ, “N dɛ soŋe, ɡel ń berɛ kaa n lolanar be Ijipt dɛ́ ka na kɛŋɔ ba ta lole kɛɛ.” Anee o sɛh dɛ tao ŋwɛnɛ deŋnesɔɔhna ta o kaa.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Kaala 7:7

Baa kaa bol waa la kooro be la, dɛ Mosis di bene fifraanuatoro, asɛ Arɔn ɡe di fifraanuatoro dɛ atoro.

We-ɛɛla 7:24

Waa baa na Ijipt tena la bɛl wɛɛ fiiɡi o bwɛɛ te awola bɛl la, o lɛ o bwɛɛ te la nyoa dɛ kpo Ijipt te la bɔ kem.