We-ɛɛla 7:2 - mzwDBL

² Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,

We-ɛɛla 7:2 ပူးပေါင်းရင်းမြစ်များ

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 12:1

Awola bɛl, Korowii ŋɔ Abram be ŋɔ, “Ir, dɛ́ le harɛ haa soɡe o ta la ta, ásɛ dɛ bɛ he nɛra dawɛ, bɛ he mɛɛ buse nɛra ɡe dawɛ, dɛ́ kaa harɛ maa dɛ ba he baɡla nɔ ta.

Mumpar 12:5

O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.

Mumpar 15:7

O ŋɔ o be ja ŋɔ, “Menee Korowii, menee kpɔe le Ur waa lɔ Babelɔn harɛ ta, dɛ ba kpɔ harɛ nɔ tɛɛ o ɛ he ɡbabir kon saŋ bɛlbwa dɛɛ la.”

Mumpar 29:4

Belaa Jekɔb pɛɛ peteɡra la ŋɔ, “Yabala, leperaa he leɔ?” Asɛ ba chaŋe ŋɔ, “Ya le Haran.”

Nehemia 9:7

N Naa Korowii, henee le ya naa Abram, dɛ kpɔɔ le Ur waa lɔ Babelɔn harɛ ta, asɛ dɛ beɡre o sɔn Abraham.

Yela 24:10

Umee Koojen waa dɔ jirima kohona nɔɔ? Nemenɛ Korowiirii, onee Kooro waa dɔ jirima kohona la!

Yela 24:7

Hé ya doonyojena la kohona, hé ya saŋ la doonyoo la, ásɛ Koojen waa dɔ jirima la ba jo.

Yela 29:3

Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 12:41

Yeesu jirimaa Aesaya na asɛ dɛ bol o waa ɡɛ la.

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

We-ɛɛla 23:7

Waa dena ŋɔ ɡɛ la, wetɔŋla chole Saduki tena la ne Farisii tena la baah. Ba nyoa ta berɛ pɛ kpa,

We-ɛɛla 7:1

Belaa Sɔfonomoa la bɔɔ Steeven ŋɔ, “Kpelaa ba ŋɔ nɔ naa?”

1 Kɔrent 2:8

Harɛ nɔ ta nomonjena fa ta a ɡɛ wejema nɔ mun noɛ. Dɛ ba fe no a mun aa, ba fe ta ɡelɛ ba kpo ya Dɔɔ la waa dɔ jirima la daɡaɡre ta.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Jems 2:1

Yabala, haa dɛ yarada Yeesu Kristo waa ɛ jirima Dɔɔ nɔ, a ta chɛ kɛŋɔ he duu nɛra bane dɛ́ ɡwaa bane.

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”