We-ɛɛla 6:7 - mzwDBL

⁷ Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 6:7 ပူးပေါင်းရင်းမြစ်များ

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Yela 132:9

Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe do lɔŋɔre silɛɛ ne.

Matiu 19:30

Nɛra baa tɔ sie ɡalɡa ɛɛ ba ka munii, ásɛ nɛra baa ka mun ɡe ɡalɡa ba tɔ sie.”

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Amanesoma Jɔn Aa Chwera Tɔn 12:42

Juu tena nomonome kɛrɛdɛ ɡba yarada Yeesu, kɛ baa dɛ ɔmɛ Farisii tena nomanta, ba ta bolɛ nomɛlbwa no, dɛkalkɛ dɛ ba bolaa, aa ɡeloo ba doŋ ba cheremi dea joe.

We-ɛɛla 12:24

Anɔ bwa aa dɛ ɛ la, dɛ nɛra dɛ yarada Korowii waa la, asɛ aa perɛ bobɛlbwa.

We-ɛɛla 13:8

Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

We-ɛɛla 19:20

Gɛ ŋwɛnɛkpeɡ nɔ taa a che Korowii waa la perɛ, dɛ won do kpeɡri kohona.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Galaasia 1:23

Dɛ n waa nɛra aa dɛ bol la ɡboo baa no. N waa baa dɛ bol laanee kɛŋɔ, nɛn o fa aa dɛ ɛɛ ba hɔhɔrɔwa laanee bera lɛ Yeesu Amanesoma ba fa aa yaradaa o koh a waa hah ba dɛɛ nyin ba kpoe la dɛɛ bol la.

Galaasia 6:10

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

2 Timoti 2:9

dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.