We-ɛɛla 6:14 - mzwDBL

¹⁴ Ya noɔ waa ŋɔa ŋɔ Yeesu waa le Nasarɛt la ɛɛ paɡre Korowii Dea nɔɔ, dɛ beɡre ya mmarare ne ya waa Mosis aa baɡle ya naawa la bwa.”

We-ɛɛla 6:14 ပူးပေါင်းရင်းမြစ်များ

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Jeremia 26:12

Ate, n ŋɔ nomonome la bwa ne nɛra la be ŋɔ, “Korowiirii tom mɛ ŋɔ ń ba bol waa aa dɛ ba Dea nɔ ne bwɛjen nɔ ta baɡle heya.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Sekaria 11:1

Lɛbanɔn harɛ, pili he ɡbeni ásɛ nii ba fuh he peleme daa bwa dɛ́ chɔɡa.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Matiu 26:61

dɛ ŋɔ, “Baa nɔɔ fa ŋɔa wɛɛ wonoo paɡre Korowii Dea nɔ dɛ kpɔ tɔpera atoro mao ja la.”

Amanesoma Mak Aa Chwera Tɔn 14:58

“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Amanesoma Luk Aa Chwera Tɔn 21:6

“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”

Amanesoma Jɔn Aa Chwera Tɔn 2:19

Anee Yeesu ŋɔ, “He kuuɡi Korowii Dea nɔ naa, n ɡe ɛɛ kpɔ tɔpera atoroo doo.”

Amanesoma Jɔn Aa Chwera Tɔn 4:21

Belaa Yeesu ŋɔ o be ŋɔ, “Kasinteŋ, aa ba tel saŋ bɛlee nɛra aa wola Korowii tomɛ bwe nɔ ta, baa on tomɛ Jerusalam ɡe.

We-ɛɛla 15:1

Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 21:21

Gɛ nɛra nɔ bwa noɔ kɛŋɔ haa dɛ ɡaaɡe la, he ka dɛ baɡle Juu tena baa lɔ harɛre aa wola Juu tena harɛre ɛɛ ta la ŋɔ bá ɡel Mosis Mmara la ta teŋa. Hale ba ŋɔ he ŋɔ bá ɡel ba bii pena teŋa, dɛ ŋɔ ba bɛ Juu tena kii te bɛlbwa ta dɛɛ teŋɛ. Mosis Mmara ɡe ta ŋwɛnɛ ɡɛ tɛɛ.

We-ɛɛla 25:8

Pɔɔl wono bol waa dɛ baɡle kɛ o ta wechɔɡa ɛɛ. O baɡlɔ kɛ o ta wobɛlbwa ɛɛ dɛ jo Juu tena kii bɛlbwa nɛ, dɛ baɡle kɛ o ta wobɛlbwa ɛɛ dɛ jo ba Korowii Dea kii bɛlbwa nɛ, dɛ ŋɔ o ta Rom Koojen la ɡe nɛɛ joɛ.

We-ɛɛla 26:3

N sie lɛo kohona, dɛkalkɛ he jemɛ ya Juu tena nawee waa bwa. Anomanta, n poori, lawɛ bambile dɛ́ no n kon.

We-ɛɛla 28:17

Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la.

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Galaasia 3:23

Yeesu Kristo yaradae waa nɔ aa wola balɛ mɔɔ la, dɛ Mosis Mmara la vɔrɔwe yaa kɛŋɔ nɛra baa do ba dea ken. Yeesu Kristo yaradae waa nɔɔ bala mɔɔ ya ta dɔ ya te.