We-ɛɛla 6:13 - mzwDBL

¹³ Ba ɡelɔ nɛra bane ɡe ba teŋe nyosone, dɛ bol waa baa wola nae bwa dawɛ Steeven nɛɛ ŋɔ, “Tɔpere bɛlbwaa baa nɔ bol waa dɛɛ yaɡɛ ya Korowii Dea nɔ ne Mosis Mmara la.

We-ɛɛla 6:13 ပူးပေါင်းရင်းမြစ်များ

Yela 27:12

Bɛ men ɡel tɛ n dɔma, ba teŋe nyosone dawɛ n nɛ, dɛ nyin mɛ naɡra, dɛɛ aah mɛ.

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

Yela 56:5

N dɔma nyin waa dɛɛ dawɛ n nɛɛ tɔpere bɛlbwa, saŋ bɛlbwaa baa vɔrɔwe n vɔrɔwa dɛ́ kpo mɛ.

Hosia 7:4

Ba bwa dɛ bɔ jwamane, ba we-ɛɛla do kɛŋɔ fononoo bini nii nɛn waa dɛ wɔɔ paanoo aa kwaara do kohona, dɛ charame paanoo ka tel kɛŋɔ aa uɡa, dɛ kpɔ ka do fononoo bini la.

Matiu 24:15

Yeesu berɔ ŋɔ, “Hé naate haa kure tɔn nɔ bonɔ la no a mun kɛrɛdɛ. Hɛɛ na konchɔɡechɔɡe Korowii keame Daneɛl fa aa bol o waa ŋɔ o dɛ paɡre bwɛɛ la cheɡa Korowii Dea boɡoroŋ bela.

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

We-ɛɛla 21:28

dɛ kpɔ takpeɡ dɛɛ ŋɔ, “Israel tena, hé ba cha yaa oo! Baa nɔɔ vala dɛɛ bol waa bobɛlbwa dɛɛ yaɡɛ ya Israel tena ne Mosis Mmara ne Korowii Dea nɔ la. Name te kwara doŋaa o kpɔ baa jo ya Korowii Dea nɔ bini. Nɛra baa wola Juu tena ɛɛ, Grik tena baa wola chɛɛ kɛŋɔ ba jo Korowii Dea la, banee o lawɛ baa jo o bini!”

We-ɛɛla 25:8

Pɔɔl wono bol waa dɛ baɡle kɛ o ta wechɔɡa ɛɛ. O baɡlɔ kɛ o ta wobɛlbwa ɛɛ dɛ jo Juu tena kii bɛlbwa nɛ, dɛ baɡle kɛ o ta wobɛlbwa ɛɛ dɛ jo ba Korowii Dea kii bɛlbwa nɛ, dɛ ŋɔ o ta Rom Koojen la ɡe nɛɛ joɛ.

We-ɛɛla 6:11

Asɛ ba sɔh kpɔ suuɡa tɛ nɛra bane dɛ do ba ŋɔ, “Hé ŋɔ he na baa nɔ kɛŋɔ waa dɛ bol Mosis ne Korowii nɛnhɛlwobol.”

We-ɛɛla 7:58

dɛ tuuɡu le bwɛɛ la dahara. Nɛra baa no o wobol la foo ba laala bil bonɔɔ bɛl baa dɛ yerɔ Sɔɔl sie mɔɔ, dɛ la ka foɡre Steeven bwea.

Hibru 7:12

Dea o tena aa dɛ di sɔfore la, o beraa, a chɛ kɛ mmara la ɡe berɛ.