We-ɛɛla 6:10 - mzwDBL

¹⁰ Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

We-ɛɛla 6:10 ပူးပေါင်းရင်းမြစ်များ

Job Tɔn 32:18

Wobol su n nyoa, maa won ɡel a ka n tea bini.

Job Tɔn 32:8

Kɛ Korowii kpɔ o Doma dɛɛ do nɛn bini, On Waa Ɛ Kpeɡri Bwa Dɔɔree hweera dɛɛ tɛo wejema.

Kaala 4:12

Ir kaa, mɛɛ chae he bol wa, dɛ́ baɡle ɡɛ bwa haa bol.”

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Amanesoma Luk Aa Chwera Tɔn 1:17

Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Amanesoma Jɔn Aa Chwera Tɔn 7:46

Anee ba ŋɔ, “Baa la waa waa dɛ bol la, nomɛlbwa ta o wobol dɔŋa bolɛ bwa.”

We-ɛɛla 5:39

Kɛ dɛ Korowii be ɡee a le aa, ate haa won sɔɔh ba waa nɔ nyoa. He ta kɛrɛdɛ nyiŋaa, Korowiirii hɛɛ yo laa la oo!” Nomonome la teŋɛ Gamaleɛl waa la ta.

We-ɛɛla 6:11

Asɛ ba sɔh kpɔ suuɡa tɛ nɛra bane dɛ do ba ŋɔ, “Hé ŋɔ he na baa nɔ kɛŋɔ waa dɛ bol Mosis ne Korowii nɛnhɛlwobol.”

We-ɛɛla 6:9

Belaa Juu tena baa dɛ cheme cheremi dea bɛl baa dɛ yerɔ Libetines la, ir dɛɛ tɔŋle Steeven. Dɛ Juu tena nɔ le Sairini ne Alɛksandrea, bane ɡe le Silisia harɛ ne Eesia harɛ ta.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.