We-ɛɛla 6:1 - mzwDBL

¹ A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

We-ɛɛla 6:1 ပူးပေါင်းရင်းမြစ်များ

Job Tɔn 29:13

Nɛra baa cheɡɛ seo nyoa soŋe andɛɛɡa tɛ mɛ, n ɡel luhaahna baah sɔɔh ba.

Job Tɔn 31:16

Dɛ n vɛh nyaara pɛla kwaa kpɔe dɛ tɛɛ ba, kɛɛ dɛ ɡel luhaana hwɛɡa ta pɛɛ,

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 72:16

Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Aesaya 27:6

Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 11:26

Waa nao la, o kpɔɔ kaa Anteɔk. Baa lɔ bela la, ba benanyobir bwa, dɛ ba ne bela asɔre tena dɛ cheme. Ba baɡle nɛra pirim Yeesu waa bela. Anteɔk belaa ba tɔ sie yerɛ nɛra baa yarada Yeesu la Kristo tena.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 2:45

Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 4:35

dɛ kpɔ a suuɡa dɛɛ ba Yeesu toroma la be, asɛ baa bɔna ɡɛ aa chɛ kɛ bɛlbwa dɔ.

We-ɛɛla 4:4

Nɛra baa lɔ bela dɛɛ no waa la dɛ yaradaa warɔ. Dɛ baala baa yarada waa la lɔ nɛra kaɡboŋa banue.

We-ɛɛla 5:14

Dɛ balaa nɛra ɡe den na dɛɛ ba, dɛ baa ja ba nɛ. Dɛ ba bini baala ne haahna bwaa dɛɛ ba, dɛ kpɔ ba te tɛ Yeesu.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 6:2

Belaa Yeesu toroma fi dɛ banɛ la yerɛ asɔre tena la bwa cheme, dɛ ŋɔ ba be ŋɔ, “A ta maɡrɛ kɛŋɔ yá ɡel Korowii Waa baɡla dɛɛ nyiŋi suuɡa waa ta.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 9:29

O ne Juu tena baa dɛ bol Grik wobol la bol waa dɛ tɔŋle waa kɛrɛdɛ, asɛ baa nyin bɔr dɛ́ kpoo.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

We-ɛɛla 9:41

Belaa Pita tel o be dɛ lawɔ ir che, dɛ ka yerɛ asɔre tena ne ba bini luhaahna la bwa dɛ kpɔ haah la waa iru la tɛɛ ba.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

2 Kɔrent 11:22

Dɛ Hibru tenaa ban aa, bɛlee n ɡe. Israel tena ɡee ban aa, bɛlee n ɡba. Abraham naanaree ban aa, bɛlee n ɡe.

Mmarare 26:12

Bene atoro bɛlbwa he bɔne he koo kwaa bini bɔre fi, ásɛ dɛ kpɔ bɔrbeŋkpoŋ tɛ Lewi dea tena ne hɔɔhra ne bilalbii dɛ luhaahna baa soɡe he baah la, ásɛ ba bwa dɔ di dɛ vaɡre. He ɛ ɡɛ tonaa,

Felepae 3:5

Israel tee men. Baa lol mɛ n dɔ yawanyoa la taa ba teŋe n pen. Bɛnjamen deaa n le. Israel te kaiih men, dɛkalkɛ n mɛɛ ne n nya bwa ɛ Hibru tena. Dɛ ba dɛ bol Mmara ta teŋa wa aa, nɛra baa dɛ teŋɛ Mmara ta kohona baa yer ba Farisii tena la bɛlee men.

1 Timoti 5:3

Haahna ba jaranar aa serewa baa wola nomɛlbwa dɔe ó nyiŋi ba nɛɛ la, dɛɛ duu ba dɛɛ cha ba.

1 Timoti 5:9

Bɛ luhaah waa wola bene fifraanumɛl dɔe mɔɔ la kure ja luhaahna maa bol ba waa ŋɔ hɛ́ɛ cha ba dɛɛ nyiŋ ba la nɛ. Luhaah waa dɔ bene fifraanumɛl, waa wola baa bɛlbwa jemɛ ka ja o jaa nɛ,

Hibru 13:1

He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.