We-ɛɛla 5:9 - mzwDBL

⁹ Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

We-ɛɛla 5:9 ပူးပေါင်းရင်းမြစ်များ

Mumpar 20:13

Korowii aa ɡela n le n mɛɛ dem dɛ do pua dɛɛ ɡaaɡe la, n ŋɔ o be ŋɔ, ‘He dɛ nyin mɛ naa, bobɛlbwa yaa tel bwa la, he dɛ ba n waa bolaa, ŋɔ he dɔɔree men.’ ”

2 Koranar 6:32

Asɛ o tomɛ ŋɔ bá ka yerɛ Elaesa ba, dɛ o lɔ o dem Israel nomonome so o be. Torome la aa wola tele mɔɔ la, Elaesa ŋɔ nomonome la be ŋɔ, “He ta nae kɛŋɔ nɛn waa dɛ kpoo nɛra nɔ aa tomɛ nɛn ŋɔ ó ba kpo mɛ naa? Dɛ torome la balaa, hé laa ɡbera tɔ dɛ bɛ ɡel o dɔ bɔr jo. O dɔɔ kooro nakpale sio teŋɛ o nɛɛ wɛɛ ba.”

Yela 50:18

He na ŋwɛɛ bɛlbwa naa, he kpɔɔ dɛɛ berɛ he dam, he ne nɛra baa dɛ bɔ jwamanee dɛɛ valɛ.

Yela 78:56

Kɛ ba ɛ Nemenɛ Korowii deŋnekpeɡ, dɛ daahno na, ba vɛh o Mmarare ta teŋa.

Kaala 17:2

Anomanta, ba ne Mosis naɡrɔ, asɛ ba ŋɔ, “Tɛ́ yaa nee yá nyɔ.” Asɛ o chaŋe ŋɔ, “N ne he naɡra munii ame o? Ɛrɛɛ hɛɛ nyin he daah Korowii dɛ́ na nɔɔ?”

Kaala 17:7

Mosis pa bela sɔn Maasa ne Mɛreba, dɛkalkɛ Israel tena la naɡre wa dɛ daah Korowii na dɛɛ bɔɔ ŋɔ, “Korowii ja ya nɛɛ kɛɛ o ta ya nɛɛ jae yɔ?”

Sɛɡla 11:21

A ɛ kpela kɛŋɔ wechɔɡ-ɛɛra ɛɛ dɔ deŋnetɛraa, kɛ nɛndɛɛɡa te ɛɛ dɔ ba nyuu.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Matiu 4:7

Anee Yeesu chaŋo ŋɔ, “Korowii Tɔn ɡe baɡlɔ ŋɔ, ‘Bɛ N Naa Korowii daah na.’ ”

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

We-ɛɛla 15:10

Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa?

We-ɛɛla 5:6

Belaa bonɔɔna bane ir dɛ ba vɔrɔwo, dɛ cheo le buse, dɛ ka huɡo.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.