We-ɛɛla 5:42 - mzwDBL

⁴² Anomanta, tɔpere te bɛlbwaa baa bol Amanesoma la Korowii Dea la bini, ne nɛra deremi kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ o nɛra la.

We-ɛɛla 5:42 ပူးပေါင်းရင်းမြစ်များ

2 Samoɛl 6:22

A lole kɛŋɔ he dɛ lii kɛ n sae la ɛ sihihwa, kɛ bitoli haa dɛ bol ba waa nɔ ɛɛ kpɔ duuree tɛ mɛ.”

Amanesoma Luk Aa Chwera Tɔn 21:37

Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ.

Amanesoma Luk Aa Chwera Tɔn 22:53

N ne haa lɔ Korowii Dea tɔpere bɛlbwa la, ɛrɛɛ haa wola men lawɛ bela ɔ? Taraken nɔ bɔr aa bira nɔ he dɔ ŋwɛnɛ kɛ he ba laɡ mɛ.”

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 13:32

Amanesoma nee ya ba he be. Gɛ Korowii aa baɡɛ ya naawa nyoa la,

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

We-ɛɛla 4:29

N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

We-ɛɛla 8:35

Asɛ Felep le a ɡɛ waa la baa la aa kura Korowii Tɔn ta la ta, dɛ baɡle Yeesu bwara waa aa ɛ Amanesoma la.

We-ɛɛla 8:5

Felep iro la Samaria harɛ bwɛjen bɛl ta, dɛ ka bol Kristo la Korowii aa ŋɔa ŋɔ wɛɛ tomɔɔ ó ba lɛ yaa la waa bela tena be, dɛ ka baɡ ba ŋɔ Yeesuu Kristo la.

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

1 Kɔrent 2:2

Maa lɔ he be la, dɛ maa nyin kɛ n kpɔ wejema ane ja n wobol ta, nemenɛ Yeesu Kristo seo waa sewa daɡaɡre la ta la wa.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.