We-ɛɛla 5:41 - mzwDBL

⁴¹ Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

We-ɛɛla 5:41 ပူးပေါင်းရင်းမြစ်များ

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

We-ɛɛla 5:21

Yeesu toroma la no nyundua torome la waa la, asɛ tɔ aa pera chɔmbibi ne la, ba ka jo Korowii Dea la bini dɛɛ bol Yeesu waa la. Awola chɔɔ ne la, Sɔfonomoa la ne o nɛra yerɛ Juu tena nomonome la bwa dɛ ba cheme, dɛ tomɛ nɛra ŋɔ bá la dea la baa lawɛ Yeesu toroma la do la bini, dɛ́ ka lee ba ba.

Tɔn Pɔɔl Aa Chwerɛ Rom Tena 5:3

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.

3 Jɔn 1:7

dɛkalkɛ Yeesu toma waa ba koh dɛɛ valɛ. Baa suuɡa lɛɛ dɛɛ le nɛra baa wola Korowii waa yaradae la be.