We-ɛɛla 5:39 - mzwDBL

³⁹ Kɛ dɛ Korowii be ɡee a le aa, ate haa won sɔɔh ba waa nɔ nyoa. He ta kɛrɛdɛ nyiŋaa, Korowiirii hɛɛ yo laa la oo!” Nomonome la teŋɛ Gamaleɛl waa la ta.

We-ɛɛla 5:39 ပူးပေါင်းရင်းမြစ်များ

Mumpar 24:50

Belaa Laban ne Bɛtoɛl chaŋe ŋɔ, “Korowii bee waa nɔ bwa le, anomanta, ya ta liire bɛlbwa dɔe kpa.

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

1 Koranar 12:24

‘He bɛ he bala Israel tena la ka pu yo. Bɛlbwa berɛ kaa o dem, menee ɛa ɡɛ.’ ” Ate ba no, ba ta Jɛroboam ka yoi kpa, ate dɛ bwa berɛ kaa ɡɛ Korowii aa ŋɔa la.

2 Koranar 19:22

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 43:13

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 11:17

Yaa baa yarada Yeesu la, kon Korowii aa kpɔa tɛ yaa laanee o tɛ nɛra nɔ la. Aah dɛ n ɡee umeo dɛ́ tɔŋle Korowii ɔ?”

We-ɛɛla 23:9

Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.

1 Kɔrent 1:25

Waa nɛra aa dɛ lii kɛ a ɛ Korowii wesale la, a ɡwaa nɛwɛnyini wejema, o ɡwɛɡra ɡe ɡwaa nɛwɛnyini kpeɡri.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?