We-ɛɛla 5:36 - mzwDBL

³⁶ Baa la baa dɛ yerɔ Teɔdas fa aa bala dɛ ba kpɔ o te ɛ nɛnjen la, nɛra dɛ ɛ lafraanaarɛ fa ta o nɛɛ teŋaa? Baa kpoo la, o habɔɔ tena la bwa ta lɔe peɡre, asɛ o waa waa kpoŋa dɛɛ ɡaaɡe la bwa sɔɔh naa?

We-ɛɛla 5:36 ပူးပေါင်းရင်းမြစ်များ

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 24:26

Dɛ nomɛl ŋɔ he be ŋɔ Kristo la lɔ kpɔɡ bini naa, he bɛ bela la. Dɛ nomɛl ɡe ŋɔ, ‘Nyiŋi na, o sɔh dea nɔ bini’ naa, he bɛ yarada,

Matiu 24:5

Nɛra ɛɛ warɔɔ taeh dɛ́ ba neɡre heya, dɛ́ kpɔ n sɔn dɛɛ bol wa, hale dɛ́ ŋɔ banee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la, dɛ́ neɡre nɛra kɛrɛdɛ bwa.

We-ɛɛla 21:38

Jamɔ Ijipt te la waa bala baah bɛl ta, dɛ ba wetɔŋla ne, dɛ yo Abane nomonome asɛ dɛ jo nɛŋkpoora kaɡboŋa banaarɛ baa kpoŋe dɔmkwaa la ne kpɔɡ bini laanee hen kɛɛ?”

We-ɛɛla 5:35

Anee o ŋɔ nomonome la be ŋɔ, “Yabala Israel tena, hɛ́ɛ do nɛra nɔ dɛɛɡɔ kɛrɛdɛ.

We-ɛɛla 8:9

Dɛ baa bɛl lɔ bwɛjen la ta dɛ ɛ o te bebee bɛl baa yerɔ Seemɔn. O bebeewaa la kpo Samaria tena bwa nyoa. Dɛ o dɛ maŋkura o te dɛɛ yerɛ o te nɛnjen bɛl.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 2:2

Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

Wepila 17:3

Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.