We-ɛɛla 5:28 - mzwDBL

²⁸ “Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 5:28 ပူးပေါင်းရင်းမြစ်များ

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Jeremia 26:15

Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Emɔs 7:10

Belaa sɔfo Amasea waa lɔ Bɛtel la kpɔ kala tɛ Israel Kooro Jɛroboam ŋɔ, “Emɔs dɛ vɔrɔwe he vɔrɔwa Israel harɛ ta bonɔ. O waa waa dɛ bol la ɡwaalɔ to.

Matiu 21:44

Nomɛlbwa waa chole Bwe la waa lawɛ dea la kpoŋe la ta la, wɛɛ kuuɡuu. O berɔ le ba le nomɛlbwa nɛɛ ɡe aa, wɛɛ pweremoo.”

Matiu 27:25

Anee nɛra la ŋɔ, “Ɔɔh, hé te ɡel o seo wobɛlbwa dawɛ ya ne ya naanar nɛ!”

We-ɛɛla 5:40

Ba yerɛ Yeesu toroma la jo dea, dɛ lɔɔ ba chweremi ne, dɛ kwaa aah ba ŋɔ ba bɛ too kpɔ Yeesu sɔn bol waa kpa, dɛ kpɔ ba ta.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?